Եգիպտոսը բացում է հյուրանոցները

Եգիպտոսում հյուրանոցները վերսկսում են իրենց աշխատանքը տեղի զբոսաշրջիկների համար՝ որոշ սահմանափակումների իրականացման պայմանով, հայտնում է The New York Times հրատարակությունը։

Հյուրանոցներում պարտադիր պետք է լինի բուժկետ, զբոսաշրջիկների կամ անձնակազմի մոտ կորոնավիրուսի հայտնաբերման դեպքում նրանց համար հարակից ոչ փոքր շենքում կամ հարկի մի հատվածում պետք է կարանտինային գոտի լինի։ Անհրաժեշտ է կանոնավոր կերպով չափել հյուրերի ջերմությունը, նրանց ախտահանող միջոցներով ապահովել։ Աշխատանքից առաջ հյուրանոցների աշխատակիցները կորոնավիրուսի առկայությունը ստուգող թեստ կանցնեն, իսկ հյուրերը նախօրոք ամրագրումներն առցանց եղանակով պետք է կատարեն։

Մինչև մայիսի վերջ հյուրանոցները կարող են 25 տոկոսի չափով հյուր ընդունել։ Հունիսի մեկից այս թիվը պլանավորվում է հասցնել 50 տոկոսի։