Ճապոնիայում եւս ռեկորդային մահեր են արձանագրվում

Ճապոնիայում վերջին մեկ օրում ռեկորդային թվով մահվան դեպքեր են գրանցվել կորոնավիրուսով հիվանդների մոտ։ Մահացել է 31 պացիենտ։ Ընդհանուր մահացության թիվը հասել է 530-ի։ Այս մասին հայտնում է ТАСС լրատվական գործակալությունը։

Նախորդ պիկը եղել է ապրիլի քսաներեքին՝ 29 մահացության դեպքով։ Մահացությունների մեծ մասը եղել են մայրաքաղաք Տոկիոյում։ Նոր վարակման դեպքերը առնվազն 306-ն են։ Ընդհանուր հիվանդացության թիվը, ներառյալ նաեւ Diamond Princess-ի ուղեւորները, կազմում է 15,5 հազար։ Ապաքինվածների թիվը կազմում է 4,6 հազար։ 332 պացիենտ գտնվում է ծանր վիճակում եւ բուժում է ստանում բուժհաստատությունների ինտենսիվ թերապիայի բաժանմունքներում։