Եվրախորհրդարանի դատարկ շենքը դարձել է անտուն կանանց ապաստարան
Շուրջ 1000 անտուն կանայք, որոնցից շատերը դարձել են ընտանեկան բռնության զոհ, ապաստան են գտել Բրյուսելում տեղակայված Եվրախորհրդարանի շենքում։ Այդ մասին գրում է «BBC»-ն։
Ապրիլի 29-ին՝ չորեքշաբթի օրը, Բրյուսելի կենտրոնում գտնվող Հելմութ Քյոլի անվան նոր համալիրն իր դռներն է բացել բոլոր նրանց համար, որոնք անտուն են եղել կամ դարձել են անտուն՝ COVID-19 կորոնավիրուսով պայմանավորված կարանտինային միջոցառումների արդյունքում։ Համալիրի գրասենյակները, որը հանդիսանում է Եվրախորհրդարանի մաս, վեր են ածվել մեկ կամ երկու անձանց համար նախատեսված ննջարանների։ Կանայք ստանում են նաև սնունդ և բժշկական օգնություն։
Ինչպես նշում են «Samusocial» բարեգործական կազմակերպությունում, կորոնավիրուսի հետ կապված ճգնաժամը հանգեցրել է ընտանեկան բռնության աճին, քանի որ մարդիկ ստիպված են միմյանց հետ գտնվել փակ տարածություններում։ Իրավիճակը խորացել է նրանով, որ կանանց համար նախատեսված բազմաթիվ կացարաններ փակվել են՝ սոցիալական հեռավորության պահպանման անհրաժեշտությունից ելնելով։ Արդյունքում առաջացել է հավելյալ կացարանների խիստ կարիք, և Եվրախորհրդարանը, «Samusocial» բարեգործական կազմակերպության հետ համատեղ, որոշել են օգնել խնդրի լուծմանը։
«Մենք ունեցել ենք բազմաթիվ դեպքեր, երբ ինքնամեկուսացման ռեժիմի ընթացքում, կանայք, ընտանեկան բռնության պատճառով, հայտնվել են փողոցում»,- «RTBF» հանրային հեռուստաընկերությանը տված հարցազրույցում հայտնել է «Samusocial» բարեգործական կազմակերպության տնօրեն Սեբաստիե Ռուան։ Բրյուսելի իշխանությունները հանդես են եկել նախաձեռնությամբ, որը կօգնի անտուն մարդկանց կացարան գտնել որոշ հյուրանոցներում։
Եվրախորհրդարանի շենքը ներկայումս դատարկ է։ Միայն որոշ խորհրդարանականներ են գալիս լսումների, մեծամասնությունը միանում է տեսակապի միջոցով։ Ֆրանսիայի արևելքում գտնվող Ստրասբուրգում ամենամսյա լիարժեք լսումները դադարեցվել են մինչև հուլիս ամիսը։ Ընդ որում շատերը, ներառյալ նաև խորհրդարանի անդամները, տարիներ շարունակ քննադատել են Բրյուսելի և Ստրասբուրգի միջև տեղաշարժման պրակտիկան՝ համարելով այն Եվրամիության միջոցների անիմաստ վատնում։
«Այս արտակարգ իրավիճակը վերաբերում է մեզ բոլորիս և Բրյուսելում այսօր շատերը ցավ են ապրում։ Կարծում եմ, որ ճգնաժամը մեզ բոլորիս, այդ թվում նաև պետական մարմիններին, պետք է մոտիվացնի դառնալ լավ օրինակ մյուս բոլորի համար»,- նշել է Եվրախորհրդարանի խոսնակ Դևիդ Սասոլին՝ Հելմութ Քյոլի անվան համալիր այցելության ժամանակ։
Նախորդ տարի հոկտեմբերին բացված համալիրը կրում է Գերմանիայի կանցլեր Հելմութ Քյոլի անունը, որը դարձել է կոմունիզմի անկումից հետո եվրոպական միասնության խորհրդանիշը։
Եվրախորհրդարանի խոհանոցը օրական սնունդ է պատրաստում բարեգործական բազմաթիվ կազմակերպությունների համար, որոնք օգնում են անտուն մարդկանց։ Այդուհանդերձ, Ռուան նշում է, որ, կարանտինի ավարտից հետո, անտուն կանանց հետագա ճակատագիրն անհայտ է։ Նա ընդգծում է, որ ներկայիս ճգնաժամը հասարակությանը հնարավորություն է տալիս բարելավել հանրության բոլոր անդամների կյանքի որակը։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...