Սպիտակ տունն ԱՄՆ գլխավոր համաճարակաբանին արգելել է կորոնավիրուսի հարցով ցուցմունք տալ Կոնգրեսում
Սպիտակ տունն Ալերգիկ և վարակիչ հիվանդությունների ազգային ինստիտուտի տնօրեն Էնթոնի Ֆաուչիին արգելել է կորոնավիրուսային իրավիճակի վերաբերյալ ցուցմունք տալ Կոնգրեսում, գրում է The Hill ամսագիրը:
Աղբյուրը մանրամասնում է, որ դեմոկրատները նախագահ Դոնալդ Թրամփի կողմից երկրում կորոնավիրուսի տարածման դեմ պայքարի գծով հատուկ խմբի անդամ Ֆաուչիին կոչ են արել ցուցմունք տալ Ներկայացուցիչների պալատի օտարերկրյա հատկացումների գծով ենթահանձնաժողովին, որը քննում է համաճարակի դեմ պայքարում Թրամփի վարչակազմի պատասխան գործողությունները։
«Վարչակազմը դեմոկրատներին տեղյակ է պահել, որ Սպիտակ տունն արգելել է բժիշկ Ֆաուչիին ցուցմունք տալ»,- նշել է հանձնաժողովի ներկայացուցիչ Էվան Հոլանդերը։
Միևնույն ժամանակ Սպիտակ տնից հայտնել են, որ Կոնգրեսի առջև բժիշկ Ֆաուչիի ելույթն այս պահին որևէ կերպ արդյունավետ չի կարող լինել։
«Մինչ Թրամփի վարչակազմը շարունակում է կորոնավիրուսի դեմ համապետական պատասխան միջոցառումներ ձեռնարկել, անարդյունավետ կլինի, եթե այդ ջանքերի մաս կազմող մարդիկ կանգնեն Կոնգրեսի առաջ։ Մենք հավատարիմ ենք Կոնգրեսի հետ մեր աշխատանքին, ուստի՝ նախատեսում ենք ցուցմունքներ տալ ճիշտ ժամանակին»,- հայտարարել է Սպիտակ տան մամուլի քարտուղարի տեղակալ Ջադ Դիրը։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին