Թմրանյութերի ազդեցության ներքո ծեծի է ենթարկել մարմնավաճառների

Աշխարհի բռնցքամարտի գերծանր քաշային կարգում նախկին չեմպիոն Մայք Թայսոնը խոստովանել է, որ թմրանյութերի ազդեցության ներքո ծեծի է ենթարկել մարմնավաճառ կանանց։ Այս մասին գրում է The Sun պարբերականը։ Նա մանրամասնել է, որ գտնվել է հյուրանոցում, յոթ մարմնավաճառների ընկերակցությամբ, օգտագործած է եղել եւ թմրանյութ, եւ ալկոհոլ։

Ինչ որ պահի նրա մոտ խուճապ է առաջացել եւ մտածել է, որ կանայք ցանկանում են իրեն կողոպտեն։ Դրանից հետո էլ սկսել է հարվածել կանանց։ Թայսոնը նաեւ ասել է, որ այդ դեպքից հետո կոկաին չի օգտագործել։

Հիշեցնենք, որ 53-ամյա մարզիկը ապրիլի 25-ին հայտարարել էր, որ հնարավոր է վերադառնա ռինգ՝ ցուցադրական մրցելույթների համար։

Հիշեցնենք, որ Թայսոնը իր կարիերան ավարտել է 2005-ին՝ Քեյվին Մաքբրայդի հետ մենամարտում պարտություն կրելուց հետո։