ԱՄՆ-ը թույլ չի տա Իրանին սովորական սպառազինություն ձեռք բերել․ Պոմպեո
Միացյալ Նահանգները թույլ չի տա Իրանին սովորական սպառազինություն ձեռք բերել այն բանից հետո, երբ հոկտեմբերին լրանա դրա հանդեպ ՄԱԿ-ի էմբարգոն։ Այս մասին հայտարարել է ԱՄՆ պետքարտուղար Մայք․ Պոմպեոն։
«Մենք դա թույլ չենք տա»,- ճեպազրույցւմ լրագրողներին ասել է Պոմպեոն։ «Մենք կաշխատենք ՄԱԿ ԱԽ-ի հետ՝ զենքի վաճառքի էմբարգոն ընդլայնելու ուղղությամբ։ Միացյալ Նահանգները գնահատում է յուրաքանչյուր հնարավորությունն այն բանի, թե ինչպես կարող ենք դա անել»,- հավելել է նա։
Միացյալ Նահանգները 2018թ․ դուրս էր եկել իրանական միջուկային գործարքից։ Այդ համաձայնագրի շրջանակներում Իրանին զենքի մատակարարման ՄԱԿ էմբարգոյի ժամկետը լրանում է հոկտեմբերին։
Էմբարգոյի երկարաձգման մասին ԱՄՆ-ի կողմից մշակված բանաձեւը փոխանցվել է Մեծ Բրիտանիային, Ֆրանսիային եւ Գերմանիային՝ միջուկային գործարքի կողմերին, հաստատել է ԱՄՆ պաշտոնական ներկայացուցիչը, սակայն ՄԱԿ դիվանագետները հայտարարել են, որ այն չեն փոխանցել ՄԱԿ ԱԽ մնացած 11 անդամներին, ներառյալ Ռուսաստանն ու Չինաստանը։
«Չինաստանը, Ռուսաստանը եւ աշխարհի մյուս երկրները կարող են հոկտեմբերին իրանցիներին վաճառել սովորական զենքի զգալի համակարգ»,- ասել է Պոմպեոն: «Մենք կոչ ենք անում Եվրաեռյակի մեր գործընկերներին միջոցներ ձեռնարկել: Սա նրանց հնարավորությունների սահմաններում է»,- հավելել է նա՝ նկատի ունենալով Մեծ Բրիտանիային, Ֆրանսիային եւ Գերմանիային, որոնցից յուրաքանչյուրը հնարավորություն ունի հարկադրաբար վերականգնել Իրանի դեմ ՄԱԿ բոլոր պատժամիջոցները, ներառյալ սովորական զենքի մատակարարման էմբարգոն:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է