ԱՄՆ-ն մսամթերքի ճգնաժամի եզրին է հայտնվել
Փորձագետները նախազգուշացնում են, որ Միացյալ Նահանգները մսամթերքի ճգնաժամի եզրին են: Տավարի, հավի եւ խոզի միսը շուտով կարող է նույնքան դեֆիցիտային դառնալ, որքան զուգարանի թուղթը, քանի որ ԱՄՆ-ում մսամթերքի վերամշակման շատ գործարաններ ժամանակավորապես փակվել են կորոնավիրուսի համավարակի պատճառով, հայտնում է «Լենտա»-ն` վկայակոչելով NBC-ն:
Չիկագոյում գործող Archer Financial Services ընկերությա վերլուծաբան Դենիս Սմիթն առանց մսի մայիսի 1 է կանխատեսում երկրում` խանութներում որպես համապատասխան մթերքի դեֆիցիտի սկիզբ նշելով հենց մայիսի 1-ը: Նախորդ տարվա համեմատ մարտին սառեցված խոզի մսի պաշարները նվազել են 4 տոկոսով, անցած շաբաթ հայտնել էր USDA-ն: Մսամթերքի խոշոր արտադրող Tyson Foods-ն հայտարարություն էր արել ամերիկյան թերթերի էջերին` նշելով, որ «մթերքի մատակարարումները խախտվում են»:
Այս պահին Միացյալ Նահանգներում աշխատանքը դադարեցրել է խոզի եւ տավարի մսի 13 գործարան: Դա պայմանավորված է ձեռնարկությունների աշխատակիցների շրջանում կորոնավիրուսով վարակման դեպքերով: Նույն պատճառով աշխարհի խոշորագույն խոզի մսի արտադրող Smithfield Foods Inc. ընկերությունը փակել է Հարավային Դակոտայում գտնվող իր հիմնական գործարանը: Ֆերմերները ստիպված են էվթանազիայի ենթարկել կենդանիներին, որոնց ավելի վաղ սպանդի էին նախապատրաստում: Մսամթերքի ճգնաժամի ֆոնին տավարի մսի մեծածախ գինը ռեկորդային մակարդակի է հասել, իսկ խոզապուխտի գինն աճել է 137 տոկոսով:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ