Թրամփը հայտարարել է, որ նահանգներին խորհուրդ է տրվել «հնարավորինս շուտ» չեղարկել սանիտարական սահմանափակումները
ԱՄՆ դաշնային իշխանությունները նահանգներին խորհուրդ են տալիս հնարավորինս շուտ չեղարկել սանիտարական սահմանփակումները, սակայն այնպես, որ քաղաքացիների առողջությունը սպառնալիքի տակ չդրվի։ Այս մասին Սպիտակ տանը կայացած ճեպազրույցում լրագրողներին ասել է ԱՄՆ նախագահ Դոնալդ Թրամփը, հայտնում է ՏԱՍՍ-ը։
«Մենք ուզում ենք, որ նրանք դա անեն, մենք խորհուրդ ենք տալիս, որ նրանք դա, որքան հնարավոր է, շուտ անեն, սակայն անվտանգ կերպով։ Մենք ուզում ենք, որ բոլորն անվտանգության մեջ լինեն»,- ասել է նա։
Ընդ որում, Թրամփի խոսքերով, շատ նահանգներ կարող են սկսել նրանից, որ վերականգնեն պարապմունքները դպրոցներում, նախքան ամբողջովին կհանեն սանիտարական սահմանփակումները։ «Ես կարծում եմ՝ դուք կտեսնեք, որ շատ դպրոցներ կբացվեն։ Ես կարծում եմ դա լավ կլինի, քանի որ, ինչպես տեսաք, այն բանում, ինչ վերաբերում է ազդեցությանը, որ թողնում է այդ չարաբաստիկ վիրուսը, երիտասարդների մոտ, ամեն ինչից ելնելով, գործերը շատ լավ են»,- համոզված է ամերիկյան նախագահը։
ԱՄՆ տարածքում այժմ գործում են միայն հիմնական ապրանքներ վաճառող խանութներն ու դեղատները: Ռեստորաններն ու սրճարանները ընդունում են միայն առաքման պատվերներ: Փակ են մարզադահլիճները, թանգարանները, ուսումնական հաստատությունները, կինոթատրոնները եւ թատրոնները: Նախագահը ապրիլի 16-ին հայտարարել է, որ իշխանությունները անցնում են «երկրի բացմանը»:
Վարչակազմը հրապարակել է կորոնավիրուսի պատճառով ներդրված միջոցառումների աստիճանաբար դադարեցման նոր առաջարկություններ: Նախագահը շեշտել է, որ նահանգապետները կկարողանան ինքնուրույն որոշել՝ երբ վերացնեն սահմանափակումները, քանի որ յուրաքանչյուր նահանգում իրավիճակը տարբեր է:
Ինչպես ավելի վաղ, երկուշաբթի օրը, արդյունաբերության եւ մանրածախ առեւտրի ներկայացուցիչների հետ հանդիպմանն ասել էր ԱՄՆ նախագահը, իշխանությունները նահանգների համար կորոնավիրուսի թեսթավորման պլան եւ արագ արձագանքման ծրագիր են մշակել։ Թրամփի այս հանդիպման հեռարձակումն իրականացրել էին ամերիկյան հեռուստաալիքները։
«Թեստավորման արշավը շատ լավ է ընթանում, եւ ոչ ոք չի բողոքում,- ասել է Թրամփը, անցկացվել է ավելի քան 5,4 միլիոն թեսթ, ավելի, քան աշխարհի ցանկացած այլ երկրում: Տեմպերը շատ լրջորեն աճում են»: «Նահանգներին աջակցելու համար մենք ներկայացնում ենք թեսթավորման պլան եւ արագ արձագանքման ծրագիր»,- հավելել է նախագահը: Ընդ որում, նա չի բացատրել, թե որն է նորարարությունների էությունը:
Նրա խոսքերով՝ իշխանությունները մտադիր են բնակչության աֆրոամերիկյան եւ լատինամերիկյան հատվածների համար թեստեր անցկացնելու ուղղությամբ ջանքերն ավելացնել:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ