Հայտնի են համավարակի ընթացքում աշխարհի տարբեր երկրներում ամենամեծ պահանջարկն ունեցող անսպասելի ապրանքները
Մեկուսացման ռեժիմի ներդրման մասին տեղեկատվությունը պահանջարկի աճ առաջացրեց ամբողջ աշխարհում: Ընդ որում, պահանջարկ ունեցան ոչ միայն առաջին անհրաժեշտության ապրանքները, այլեւ շատ անսպասելի ապրանքներ, գրում է «Ռոսիյսկայա գազետա»-ն:
Այսպիսով, Al-Monitor առցանց պարբերականի համաձայն, ամենատարօրինակն աֆղանացի գնորդների ընտրությունն է: Այնտեղ համավարակի սկզբում հանկարծ լուրեր տարածվեցին, որ սեւ թեյն օգնում է կորոնավիրուսից: Սոցցանցերում վիրուսային կերպով մի նկար տարածվեց, որում նորածին երեխան, չգիտես ինչու` արդեն բեղերով, ասում է. «Ես այս աշխարհում ընդամենը երկու ժամ եմ ապրել, բայց ուզում եմ ձեզ ասել, որ սեւ թեյը հիանալի դեղամիջոց է այս վիրուսի դեմ»: Բեղավոր երեխայի փաստարկները համոզիչ էին. Աֆղանստանում սեւ թեյի գները երեք անգամ աճել են:
Շրի Լանկայում իշխանությունները արգելել են ալկոհոլի վաճառքը, ինչի պատճառով բնակչությունը սկսել է զանգվածաբար տեղական «կասիպու» կոչվող ինքնաթոր օղի արտադրել, ինչի պատճառով էլ շաքարավազն անհետացել է խանութներից:
Իրաքում շատ են սիրում շփվել եւ հեռուստացույց դիտել արեւածաղկի սերմերի ընկերակցությամբ, իսկ քանի որ դա իրաքցիների հիմնական զբաղմունքն է կարանտինում, սերմերն անմիջապես դեֆիցիտ են դարձել:
Կենտրոնական Ասիայի նախկին խորհրդային հանրապետություններում կտրուկ աճել են վայրի սատապի, նույն ինքը ծխաբույսի պահանջարկը եւ գները: Սա բուժիչ բույս է, որը հայտնի է հին ժամանակներից: Այն լայնորեն տարածված է տարածաշրջանում` տարածքների ծխով ախտահանման համար:
Բուլղարիայում կտրուկ աճել է կոճապղպեղի եւ կիտրոնի պահանջարկը, իսկ Թունիսում` սխտորի համար, չնայած բժիշկների հավաստիացումներին, որ այդ ապրանքները կորոնավիրուսից չեն փրկում:
Մինչդեռ Եվրոպայում դժվար է ալյուր եւ խմորիչ գտնել, քանի որ կարանտինում բնակչությունը սկսելէ զանգվածաբար հաց թխել տնային պայմաններում:
Իսկ ապրիլի 23-ին սկսվել է Ռամադանը` սուրբ մուսուլմանական ամիսը: Այդ ամսվա ընթացքում չի կարելի ուտել արեւածագից մինչեւ մայրամուտ, բայց շատ մուսուլմաններ ցերեկային զրկանքները փոխհատուցում են մայրամուտից հետո առատորեն սնվելով, ինչը սննդի մեծ պաշարներ է պահանջում: Ալժիրում, օրինակ, անհետացել է մանրաձավարը, որից հաց են թխում եւ քաղցրավենիք պատրաստում:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ