Կորոնավիրուսը չի ազդել ամերիկացի միլիարդատերերի եկամուտների վրա

Ամերիկացի միլիարդատերերի, ներառյալ Amazon.com Inc-ի հիմնադիր Ջեֆ Բեզոսի եւ Tesla Inc-ի ղեկավար Իլոն Մասկի ընդհանուր կարողությունը COVID-19 համավարակի ժամանակ ավելացել է գրեթե 10 տոկոսով: Այս մասին հայտնում է Reuters-ը՝ վկայակոչելով Քաղաքական հետազոտությունների ինստիտուտի (IPS) զեկույցը:

Չնայած տնտեսությունն ընդհանուր առմամբ ռեցեսիայի հետ է բախվել, վերջին շաբաթներին այնպիսի ընկերությունների բաժնետոմսերը, ինչպիսին է Zoom-ը, արժեւորվել են տեսակոնֆերանսների եւ հեռավար աշխատանքի ծավալի կտրուկ աճի շնորհիվ, ինչը մեծացրել է այդ ընկերությունների ակտիվները տնօրինող հիմնադիր միլիարդատերերի սեփական կապիտալը:

Զեկույցում նշվում է, որ այս տարվա հունվարի 1-ից ապրիլի 10-ը երկրի 34 ամենահարուստ միլիարդատերերի եկամուտներն աճել են տասնյակ միլիոնավոր դոլարով:

IPS զեկույցի համաձայն՝ այս միլիարդատերերից 8-ը, այդ թվում Բեզոսը, Zoom Video Communications Inc-ի հիմնադիր Էրիկ Յուանը եւ Մասկը, ունեցել են ընդհանուր 1 մլրդ դոլարի աճ:

Վերջին տասնամյակում ամերիկացի միլիարդատերերի հարստությունը գերազանցել է 80,6 տոկոսը՝ հաշվի առնելով ինֆլյացիան, նշված է զեկույցում:

Այս թեմայով Սոցիալական ցանցերը հեռացրել են կորոնավիրուսի ենթադրյալ դեղի եւ դիմակներ չկրելու մասին Թրամփի գրառումը «Հեռավար կրթությունը սարսափելի է. դպրոցներն աշնանը պետք է վերաբացվեն». Թրամփ ԱՄՆ-ում փողոցային բողոքի ակցիաները COVID-19-ով վարակման դեպքերի աճի չեն հանգեցրել «Եթե հենց այս պահին դադարեցնենք մարդկանց թեստավորումը, որևէ հիվանդ չենք ունենա». Թրամփ ԱՄՆ նախագահը հայտարարել է տնտեսական ճգնաժամը, կորոնավիրուսն ու ռասայական անհավասարությունը հաղթահարելու մասին