Լեգենդար Դոմինիկ Գաշեկը ցանկանում է դառնալ Չեխիայի նախագահ

Չեխիայի հոկեյի հավաքականի նախկին դարպասապահ, լեգենդար Դոմինիկ Գաշեկը հայտնել է, որ ցանկանում է ապագայում երկրի նախագահ դառնալ։ Այս մասին հաղորդում է չեխական Isport պարբերականը։

«Դա ուղղակի ակնթարթային միտք չէ։ Ես իսկապես մտածում եմ ապագայում Չեխիայի նախագահ դառնալու մասին։ Իհարկե, ամեն ինչ կարող է փոխվել, բայց հիմա դիտարկում եմ նախագահական պայքարին միանալու հնարավորությունս»,- ասել է 55-ամյա Գաշեկը։

Նա հոկեյ է խաղացել 1980-2012 թվականներին։ Նրա վերջին ակումբը եղել է Մոսկվայի «Սպարտակը»: 1980 թվականին Գաշեկը Նագանոյում կայացած Օլիմպիադայում ոսկե մեդալ է նվաճել։ Չեխ դարպասապահը նաև նվաճել է 2006 թվականին Թուրինում կայացած Օլիմպիադայի բրոնզե մեդալն ու 4 մեդալ աշխարհի առաջնություններում։

«Պարդուբիցեի» կազմում նա դարձել է Չեխիայի եռակի չեմպիոն։