Իտալիայի իշխանությունները մինչեւ շաբաթվա վերջ կհարպարակեն նորմալ կյանքին վերադառնալու պլանը

Իտալիայի վարչապետ Ջուզեպե Կոնտեն պատմել է, որ իր կառավարությունը` փորձագիտական խմբերի հետ միասին, աշխատանքներ է տանում մայիսի 4-ից երկիրը նորմալ կյանքին վերադարձնելու պլանի ուղղությամբ, հայտնում է ՏԱՍՍ-ը:

Ինչպես երեքշաբթի օրը Facebook-ի իր էջին գրել է կաբինետի ղեկավարը, այն կհրապարակվի մինչեւ շաբաթվա վերջ:

«Ես խոստանում եմ մինչեւ այս շաբաթվա վերջ տեղեկացնել ծրագրի մասին եւ հրապարակել դրա բոլոր մանրամասները: Կարելի է ակնկալել, որ մենք կսկսենք այն կիրառել մայիսի 4-ից»,- գրել է Կենտեն:

Ընդ որում, նա նշել է, որ «միանգամից ամեն ինչ բացելն անպատասխանատու որոշում կլիներ»: «Մենք չենք կարող հեռվանալ առավելագույն զգուշության գծից, չենք կարող առաջնորդվել որոշակի կատեգորիաների կարիքների բավարարմամբ: Մենք պետք է նորմալ կյանքի վերադառնանք մանրամասն պլանի հիման վրա, որում հաշվի են առնում բոլոր ներածականները»,- հավելել է վարչապետը:

Իտալիայում կորոնավիրուսի առաջին դեպքը գրանցվել էր փետրվարի 21-ին: Տեղաշարժման սահմանափակմամբ կարանտինը երկրում գործում է մարտի 10-ից: Դրանից մի քանի օր առաջ փակվել էին նաեւ դպրոցներն ու ուսումնական այլ հաստատությունները: Այնուհետեւ հայտարարվեց առեւտրային գործունեության դադարեցման մասին, ռեստորաններն եւ բարերը փակվեցին: Ոչ առաջին անհրաժեշտության ապրանքների արտադրությունը դադարեցվեց մարտի 22-ին: Սահմանափակող միջոցները ուժի մեջ են մինչեւ մայիսի 3-ը: Դպրոցները, ամենայն հավանականությամբ, չեն բացվի մինչեւ ուսումնական տարվա ավարտը: