Վայելել հանգիստը ծովափին՝ պահպանելով սոցիալական հեռավորություն. իտալացի մասնագետներն ուշագրավ լուծում են առաջարկել (լուսանկարներ)

Նոր տեսակի կորոնավիրուսի համավարակի ֆոնին, երբ միլիոնավոր մարդիկ ստիպված են տանը մեկուսանալ, պահպանել սոցիալական հեռավորությունն ու անորոշ ժամանակով մոռանալ բնականոն կյանքին վերադարձի մասին, Իտալիայում գործող ընկերություններից մեկը հնարամիտ լուծում է առաջարկել լողափում անվտանգ հանգստանալ ցանկացողների համար:

Ինչպես նշում է Oddity Central-ը, Մոդենայում գործող Nuova Neon ընկերությունն առաջարկում է ուղղանկյունաձև թափանցիկ պարիսպ, որը կարելի է տեղադրել լողափում, վայելել արևի ջերմությունը, թարմ օդը և միևնույն ժամանակ առանց ավելորդ ջանքերի գործադրման պահպանել սոցիալական հեռավորություն:

Plexiglas կոչվող պարիսպն ամեն կողմից ունի 2մ բարձրություն և 4.5 մ լայնություն: