Մոսկվայում կորոնավիրուսով վարակման դեպքերի գագաթնակետը սպասվում է մայիսի սկզբին
Մոսկվայում կորոնավիրուսով վարակման դեպքերի գագաթնակետը սպասվում է մայիսի սկզբին, տեսաուղերձում հայտնել է Մոսկվայի փոխքաղաքապետ Անաստասիա Ռակովան, փոխանցում է «Մեդուզա»-ն:
«Մոտ ժամանակներն ամենադժվարն են լինելու մեզ համար: Վարակման դեպքերի գագաթնակետը, ամենայն հավանականությամբ, կլինի առաջիկա 2-3 շաբաթվա ընթացքում»,- ասել է Ռակովան:
Փոխքաղաքապետը հատուկ շնորհակալություն է հայտնել բուժաշխատողներին: «Վստահ եմ, որ, տեսնելով ձեր ամենօրյա սխրանքը, մուսկովցիներն ավելի պատասխանատու եւ զգույշ կլինեն իրենց առողջության եւ մյուսների անվտանգության նկատմամբ, եւ շուտով Մոսկվան կվերադառնա իր սովորական կյանքի ռիթմին»,- հավելել է նա:
Մոսկվայում ապրիլի 16-ի դրությամբ արձանագրվել է կորոնավիրուսով վարակման 16146 դեպք: Այս ցուցանիշով Մոսկվան առաջին տեղն է զբաղեցնում Ռուսաստանում: Մոսկվայում բռնկման սկսվելուց ի վեր կորոնավիրուսից առողջացել է 1 517 մարդ, հայտարարել է Ռակովան:
Ապրիլի 16-ին վերջին օրերի ընթացքում առաջին անգամ Մոսկվայում կորոնավիրուսով վարակման նոր դեպքերի թիվը նախորդ օրերի համեմատ նվազել է. կորոնավիրուս է գրանցվել 1370 մարդու մոտ:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց