Թրամփը հայտնել է սահմանափակումները փուլ առ փուլ հանելու մասին
ԱՄՆ նախագահ Դոնալդ Թրամփը շարադրել է հիմնական սկզբունքները, որոնք հաշվի առնելով՝ կարող է բացվել կորոնավիրուսի համավարակի հետեւանքով լրջորեն տուժած ԱՄՆ տնտեսությունը, ինչը թույլ կտա երկրին վերադարձնել միլիոնավոր աշխատատեղերը: Ամենօրյա ճեպազրույցի ժամանակ Թրամփը ներկայացրել է Սպիտակ տան կորոնավիրուսի հարցերով աշխատանքային խմբի նոր ծրագիրը, փոխանցում է «Ամերիկայի ձայնը»:
ԱՄՆ նախագահը նշել է, որ ծրագիրն իրականացվելու է յուրաքանչյուր առանձին նահանգի յուրահատկություններն ու իրավիճակը հաշվի առնելով: Ընդ որում՝ նահանգները պետք է կիրառեն ամերիկացիներին իրենց աշխատատեղեր վերադարձնելու փուլային մոտեցում՝ այն դեպքում, եթե ստեղծվի համաճարակաբանական բարենպաստ իրավիճակ:
Նահանգապետներն իրավասու են իրենց նահանգներում ծրագրի իրականացման մեջ ուղղումներ կատարել, ինչպես նաեւ իրավունք են ունենալու տնտեսական գործունեությունը չվերսկսել վարակի տարածման բարձր ռիսկի դեպքում:
«Մենք ամեն ինչ միանգամից չենք բացում, այլ զգուշորեն քայլ քայլի հետեւից ենք անում»,- շեշտել է նախագահը:
Ինչպես հայտնում է Associated Press-ը, Սպիտակ տան ծրագիրը նախատեսում է կորոնավիրուսով վարակման ցածր մակարդակով շրջաններում մեղմել տնտեսական գործունեության սահմանափակումները: Առավել տուժած նահանգներում սահմանափակումները գործելու են ավելի երկար ժամանակահատվածում:
Ծրագրից ակնհայտ է, որ նորմալ կյանքին վերադարձը ավելի երկարատեւ գործընթաց է լինելու, քան նախապես կարծում էր Դոնալդ Թրամփն ինքը, ընդ որում՝ վարչակազմը զգուշացնում է, որ սոցիալական հեռավորության պահպանման որոշ միջոցառումներ ուժի մեջ կմնան մինչեւ 2020 թվականի վերջը, որ կանխվի COVID-19-ի նոր բռնկումը:
Բարենպաստ իրադրությամբ շրջաններում վարակման եւ բնակչության զանգվածային թեստավորման տեմպերի նվազման պարագայում կսկսվի ձեռնարկությունների եւ դպրոցների եռափուլ աստիճանական բացումը: Յուրաքանչյուր փուլը տեւելու է 14 օրից ոչ պակաս՝ համոզվելու համար, որ միջոցառումների մեղմումը չի նպաստում վիրուսի փոխանցման աճին:
Օրինակ՝ առաջին փուլում ծրագրով հանձնարարվում է բոլոր մարդկանց համար սոցիալական հեռավորության խիստ պահպանում: Խորհուրդ չեն տրվում 10 մարդուց ավելի զանգվածային հավաքները, ինչպես նաեւ աշխատանքին չվերաբերող եւ շտապ բնույթ չունեցող ուղեւորությունները:
Երկրորդ փուլում առաջարկվում է առավելագույնս մեծացնել սոցիալական հեռավորությունն այնտեղ, որտեղ դա հնարավոր է, եւ սահմանափակել ոչ ավելի, քան 50 մարդկանց զանգվածային հավաքները: Երկրորդ փուլում ուղեւորությունները կարող են վերսկսվել: Երրորդ փուլը նախատեսում է, որ ամերիկացիների մեծամասնությունը կվերադառնա նորմալ կյանքի, ընդ որում՝ շեշտադրումը կատարվելու է վարակման բոլոր նոր դեպքերի ժամանակին հայտնաբերման եւ մեկուսացման վրա:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ