Համավարակի պատճառով ԱՄՆ-ին խոզի մսի դեֆիցիտ է սպառնում. Reuters
Խոզի մսի արտադրության համաշխարհային առաջնորդներից մեկը՝ Smithfield Foods ընկերությունը, ապրիլի 12-ին հայտարարել էր, որ անորոշ ժամանակով փակում է ԱՄՆ-ում խոշորագույն գործարանը՝ աշխատակիցների շրջանում կորոնավիրուսով վարակման մի ամբողջ շարք դեպքերի պատճառով: Ընկերությունից նախազգուշացրել էին, որ Միացյալ Նահանգները «վտանգավոր կերպով մոտեցել» է մսի այս տեսակի դեֆիցիտին:
Reuters-ի պարզաբանմամբ՝ սպանդանոցների փակումը խախտում է ԱՄՆ-ում սննդամթերքի մատակարարումների շղթան: Սա իր հերթին կհանգեցնի մանրածախ առեւտրի խանութներում մսամթերքի քանակության կրճատման:
Smithfield Foods-ն ավելի վաղ դադարեցրել էր Հարավային Դակոտա նահանգի Սու Ֆոլսում իր ձեռնարկության աշխատանքը՝ հայտարարելով, որ դադար է վերցվում գործարանի մանրակրկիտ մշակման համար: Ընկերության տեղեկություններով՝ սա երկրում խոզի մսի մշակման խոշորագույն ձեռնարկություններից մեկն է, որին բաժին է ընկնում ԱՄՆ-ում արտադրության 4-ից մինչեւ 5 տոկոսը:
Հարավային Դակոտայի նահանգապետ Քրիսթի Նոեմը ապրիլի 11-ին հայտնել էր, որ կորոնավիրուս է հաստատվել Smithfield-ի 238 աշխատակիցների մոտ: Սա կազմում է նահանգում հիվանդացածների ընդհանուր թվի 55 տոկոսը: Նահանգապետը եւ Սու Ֆոլսի քաղաքապետը ընկերությանը խորհուրդ էին տվել գործարանը նվազագույնը 2 շաբաթով փակել, որտեղ աշխատում է մոտ 3700 մարդ:
«Եթե մեր գործարանները չեն աշխատում, անհնար է լրացնել պարենային խանութների պահեստների պաշարները,- ապրիլի 12-ին ասել էր Smithfield-ի գլխավոր տնօրեն Քեննեթ Սալիվանը: - Ձեռնարկությունների փակումը մատակարարումների շղթայում շատերի համար կունենա նաեւ լրջագույն, հնարավոր է՝ աղետալի հետեւանքներ, առաջին հերթին մեր երկրի անասնաբույծների համար»:
Ընկերության կայքում հրապարակված հաղորդագրության մեջ նշվում է, որ ձեռնարկությանը իրենց արտադրանքն են մատակարարում 550 անկախ ֆերմերներ:
Ընկերությունից հայտարարել են, որ Սու Ֆոլսում ձեռնարկությունն իր աշխատանքը կվերսկսի միայն այն ժամանակ, երբ հետագա ցուցումներ ստանա տեղական, պետական եւ դաշնային պաշտոնյաներից: Ենթադրվում է, որ կարանտինի համար փակված ձեռնարկության բոլոր աշխատակիցները, 2 շաբաթ աշխատավարձ կստանան:
Ի դեպ, ԱՄՆ-ում մսի եւ թռչնամսի խոշոր վերամշակողները, ներառյալ Tyson Foods-ը, Cargill-ը եւ JBS USA-ն, մյուս նահանգներում արտադրությունն արդեն դադարեցրել են:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...