ԱՄՆ-ն կարող է պատժամիջոցներ սահմանել այն երկրների նկատմամբ, որոնք հրաժարվում են ԱՄՆ-ից ընդունել իրենց քաղաքացիներին․ Սպիտակ տուն
ԱՄՆ նախագահ Դոնալդ Թրամփն ուրբաթ հրամանագիր է ստորագրել, որի համաձայն՝ ԱՄՆ-ն կարող է վիզային պատժամիջոցներ սահմանել այն երկրների նկատմամբ, որոնք հրաժարվում կամ ձգձգում են կորոնավիրուսի համավարակի պայմաններում իրենց քաղաքացիներին վերադարձնել ԱՄՆ-ից։ Փաստաթղթի տեքստն ուրբաթ տարածել Է Սպիտակ տան մամուլի ծառայությունը։
Պատժամիջոցներ կարող են կիրառվել «այն երկրների նկատմամբ, որոնք չեն ընդունում կամ չարդարացված ձգձգում են իրենց քաղաքացիների կամ հպատակների վերադարձն ԱՄՆ-ից՝ ամերիկացիների համար հանրային առողջության ոլորտում անընդունելի ռիսկեր ստեղծելով», ընդգծվում է հուշագրում:
Փաստաթուղթը ենթադրում է, որ նման երկրների ցանկը պետքարտուղարին պետք է տրամադրի ԱՄՆ ներքին անվտանգության նախարարը։ Պետդեպարտամենտի ղեկավարն իր հերթին 7-օրյա ժամկետում պետք է որոշում կայացնի նման երկրների նկատմամբ սահմանափակումներ մտցնելու մասին:
«Սահմանված պատժամիջոցները կդադարեն գործել միայն այն ժամանակ, երբ ներքին անվտանգության նախարարը պետքարտուղարին տեղեկացնի, որ օտարերկրյա պետությունն առանց անհիմն ձգձգումների վերականգնել է իր քաղաքացիների ընդունումը», - նշվում Է փաստաթղթում:
Հուշագիրն իր գործողությունը կդադարեցնի 2020 թվականի դեկտեմբերի 31-ին, «եթե չերկարաձգվի», ասված է տեքստում:
ԱԺ նախագահի որոշմամբ կգումարվի ԱԺ արտահերթ նիստ
Փրկարար ծառայությունն ամփոփում է անցած շաբաթը
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Երևանի Նոր Արեշ փողոցում տուն է այրվել
Արհեստների միջազգային 5-րդ փառատոնն այս տարի կանցկացվի Մեղրիում
«Թուրքական ավիաուղիներ»-ի ինքնաթիռի անվադողերը վայրէջքի ժամանակ բռնկվել են
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...
Կրեմլը պարզաբանում է ակնկալում Երևանից․ Պեսկով
ԵՄ-ն Հորդանան գետի արևմտյան ափի հրեաների դեմ պատժամիջոցներ կսահմանի