Elbasy. Նազարբաեւի կարծիքով՝ կորոնավիրուսի համավարակը փոխում է միջպետական հարաբերությունների ձեւաչափը
Ղազախստանի առաջին նախագահ Նուրսուլթան Նազարբաեւը հայտարարել է, որ նոր կորոնավիրուսի համավարակը նպաստում է պետությունների միջեւ հարաբերությունների ձեւաչափի փոփոխմանը: Այս մասին նշված է Նազարբաեւի՝ «Երբ մենք միասնական ենք, մենք անպարտելի ենք» հոդվածում, որը չորեքշաբթի հրապարակվել է երկրի առաջին նախագահի կայքում:
«Մարդկությունն այսօր հայտնվել է ճամփաբաժանին: Ներկայիս իրավիճակի յուրահատկությունն այն է, որ այս հերթագայող խնդիրները նախկինում երբեք չեն առնչվել աշխարհաքաղաքականության, տնտեսության, հանրային կյանքի այդքան շատ ասպեկտների, հիմա սկսել են փոխել նաեւ միջպետական հարաբերությունների բուն ձեւաչափը»,- նշել է Նազարբաեւը:
Նրա խոսքով՝ տառացիորեն երեկ պետությունները փոխադարձ պատնեշներ էին ստեղծում, մտնում էին պատժամիջոցային պատերազմների մեջ, իսկ հիմա միմյանց օգնության ձեռք են մեկնում: Նազարբաեւի կարծիքով՝ սա գլոբալ մակարդակում տեղի ունեցող լուրջ փոփոխությունների մեկնարկի վկայությունն է:
«Համաշխարհային պատմության մեջ եղել են բազմաթիվ պատերազմներ, լարված իրավիճակներ եւ հակամարտություններ, որոնք տեւել են տասնամյակների եւ անգամ հարյուրամյակներ: Քիչ չեն պատահել նաեւ համաճարակներ, որ խլել են միլիոնավոր մարդկանց կյանքեր: Մարդկությունն այս ամենից հաղթանակով է դուրս եկել: Ներկայիս դժբախտությունը եւս կհաղթահարենք: Համաշխարհային տերությունները պետք է դասեր քաղեն այս դժվարին իրավիճակից»,- կարծում է Ղազախստանի առաջին նախագահը:
Նա նշել է, որ հենց հիմա «հարկավոր է նոր քաղաքականություն, որը ամբողջ մարդկային քաղաքակրթությանը կոգեշնչեր զարգանալ, այլ ոչ թե խոչընդոտներ ստեղծել»:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ