«Մենք կանգնած ենք հազարավոր զոհերի վտանգի առաջ»․ Շվեդիայի իշխանությունները բնակիչներին կոչ են արել պատրաստվել վատագույնին. Daily Mail
Հազարավոր բժիշկներ և գիտնականներ, այդ թվում՝ Նոբելյան հիմնադրամի ղեկավարը, հանրագիր են ստորագրել, որը կոչ է անում Շվեդիայի իշխանություններին ավելի կոշտ միջոցառումներ ձեռնարկել կորոնավիրուսի դեմ պայքարում՝ նրանց մեղադրելով «շվեդ ժողովրդի հետ ռուսական ռուլետկա» խաղալու համար, գրում է Daily Mail-ը։
Վարչապետ Ստեֆան Լյովենը, որը որդեգրել է կորոնավիրուսի դեմ պայքարի հարցում կամավոր մոտեցումը, հայտնել է, որ համավարակը Շվեդիայում ավելի դանդաղ է տարածվում, քան Իտալիայում և Իսպանիայում, սակայն դա չի նշանակում, որ մահացության թվերը քիչ կլինեն։
«Մենք ավելի շատ ծանր հիվանդներ կունենանք, որոնք ինտենսիվ թերապիայի կարիք կունենան։ Մենք պետք է աշխատենք: Մենք կանգնած ենք հազարավոր զոհերի վտանգի առաջ։ Մենք պետք է պատրաստվենք դրան»,- ասել է նա։
Արգելափակումների հրաման տալու փոխարեն Շվեդիան իր քաղաքացիներին հայտնել է, որ «յուրաքանչյուրը պատասխանատվություն է կրում կորոնավիրուսի տարածումը կանխելու համար»։ Երկրում իշխանությունները միայն ամենախոցելի խմբի քաղաքացիներին կոչ են արել ինքնուրույն մեկուսանալ տանը, մինչդեռ ռեստորանները, բարերը և դպրոցները գործում են, գրում է աղբյուրը։
«Յուրաքանչյուր ոք պատասխանատվություն է կրում իր սեփական բարեկեցության, իր հարևանների և իր տեղական համայնքի համար»,-հայտարարել է ԱԳ նախարար Էնն Լինդեն:
Պատասխանելով կորոնավիրուսի դեմ պայքարում անհրաժեշտ ջանքեր չգործադրելու վերաբերյալ մեղադրանքներին՝ վարչապետն ասել է․« Ես չեմ կարծում, որ պետք է չափազանցնել տարբերությունները (Շվեդիայի և այլ երկրների՝ կորոնավիրուսին դիմակայելու համար որդեգրած քաղաքականությունների միջև տարբերությունները- Tert.am): Մենք դա այլ կերպ ենք անում: Երբեմն այն պատճառով, որ մենք համավարակի տարբեր փուլերում ենք գտնվում»։
Ներկայում Շվեդիայում հաստատվել է կորոնավիրուսի 6830 դեպք, որից 401-ը՝ մահվան ելքով, ապաքինվել է 205 մարդ։
Առողջապահության համաշխարհային կազմակերպությունը մարտի 11-ին նոր կորոնավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման 1 274 022 դեպք, 69 465-ը՝ մահվան ելքով, ապաքինվել է 264 807 մարդ։ Համաճարակի օջախ Չինաստանի սահմաններից դուրս վարակը տարածվել է 208 երկրում:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...