Բելառուսը հույս ունի ապրիլին Ռուսաստանից նավթ գնել 1 բարելի համար 4 դոլար գնով. Բելառուսի վարչապետ
Բելառուսն ապրիլին հույս ունի Ռուսաստանից 2 միլիոն տոննա նավթ ստանալ բարելի համար 4 դոլար գնով: Այս մասին տեղեկացնում է sputnik.by կայքը` հղում անելով Բելառուսի վարչապետ Սերգեյ Ռումասին:
«Կարծում եմ, այսօր «Բելնավթաքիմ»-ը կավարտի ապրիլի նավթի մատակարարման բանակցությունները ռուսական ընկերությունների հետ»,-համոզմունք է հայտնել Բելառուսի կառավարության ղեկավարը:
Նրա խոսքով՝ Բելառուսը ցանկանում է 2 միլիոն տոննա նավթ ստանալ: Ռուս մատակարարներին պարգևավճարներ տալու հարցում բելառուսական կողմը կոշտ դիրքորոշում է որդեգրել:
«Ռուսական նավթի ներկրումը տեղի է ունենալու առանց պարգևների: Կառավարությունը հավատարիմ է պետության ղեկավարի այս կոշտ և հետևողական հրամանին` ռուսական նավթն առանց պարգևների ներկրելու մասին»,-հիշեցրել է Սերգեյ Ռումասը:
Նա հավելել է, որ այս դիրքորոշման պատճառ է հանդիսանում նավթի այն գինը, որով Բելառուսը կգնի այն ապրիլին:
«Գինը բարելի դիմաց շուրջ 4 դոլար է»,-հստակեցրել է կառավարության ղեկավարը:
ՌԴ նախագահի մամուլի խոսնակ Դմիտրի Պեսկովն էլ իր հերթին հայտարարել է, որ Բելառուսը չի կարող Ռուսաստանից «սև ոսկի» գնել բարելի համար 4 դոլար գնով, եթե համապատասխան շուկայական առաջարկ չլինի:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է