Իտալիայում կարանտինային ռեժիմը երկարաձգել են մինչև ապրիլի 13-ը․ «ՌԻԱ Նովոստի»
Իտալիայի կառավարությունը որոշել է մինչև ապրիլի 13-ը երկարաձգել կորոնավիրուսի տարածման դեմ պայքարի համար գործող սահմանափակումները, հայտնում է «ՌԻԱ Նովոստի» գործակալությունը՝ հղում անելով երկրի առողջապահության նախարար Ռոբերտո Սպերանցայի տարածած հայտարարությանը։
«Եթե ժամանակային սխալ թույլ տանք և շտապենք որոշ քայլեր իրականացնել, ապա ռիսկի տակ կդնենք ամենադժվար շաբաթների ընթացքում մեր գործադրած ջանքերը։ Սա մեր տնտեսության շարժիչը կրկին միացնելու, մեր կյանքի սոցիալական հարթությունը վերականգնելու և մեզնից անբաժան ազատությունը կրկին նվաճելու միակ գործող եղանակն է»,- նշել է նա երկրի խորհրդարանում ունեցած ելույթի ժամանակ։
Երկուշաբթի Սպերանցան հայտարարել է, որ կառավարությանը կից գիտատեխնիկական հանձնաժողովի նիստում կարանտինային ռեժիմն առնվազն մինչև Սբ Զատիկ երկարաձգելու անհրաժեշտության մասին է հայտարարվել։
«Մինչև ապրիլի 13-ը տնտեսական գործունեության և մարդկանց տեղաշարժի սահմանափակման մասին կառավարության որոշումը բխում է Գիտատեխնիկական հանձնաժողովի ցուցումներից»,-նշել է նախարարը:
Նրա խոսքով՝ պատվաստանյութի բացակայության հետևանքով կորոնավիրուսի հաղթահարման ճանապարհը դեռևս երկար է։
«Նախազգուշական միջոցառումներն անհրաժեշտ կլինեն նաև անցումային շրջանում՝ վարակման նոր օջախներից խուսափելու նպատակով»,- ընդգծել է նախարարը։
Իտալիայի ամբողջ տարածքում կարանտինային ռեժիմ է սահմանվել մարտի 10-ից սկսած։ Իշխանությունները փակել են բոլոր կրթական հաստատությունները, կինոթատրոնները, թատրոնները, թանգարանները, սպորտային համալիրները, երկրում չեղարկվել են բոլոր զանգվածային միջոցառումները։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է