Բելառուսը կորոնավիրուսի տարածումը կանխելու համար Ռուսաստանից օգնություն է խնդրել․ «Կոմերսանտ»
Բելառուսը երկրում կորոնավիրուսի տարածումը կանխելու նպատակով Ռուսաստանից օգնություն է խնդրել, այս մասին հայտնում է «Կոմերսանտ» պարբերականը՝ հղում տալով ռուսական պետական կառույցներում իր աղբյուրներին։
Հրատարակության զրուցակիցները մանրամասնել են, որ Մինսկը Մոսկվային խնդրել է բժշկական դիմակներ, թեստային համակարգեր և արհեստական շնչառական համակարգեր հատկացնել իրենց։ Աղբյուրներից մեկը հույս է հայտնել, որ բելառուսական իշխանությունները կսկսեն առավել պատասխանատու մոտեցում ցուցաբերել կորոնավիրուսի դեմ պայքարում։
«Մենք պաշտպանվում ենք դրանցից։ Սակայն այս խնդիրը պետք է համատեղ լուծենք, քանի որ եթե մի երկրում համաճարակն անկում ապրի, իսկ մյուսում նոր օջախ առաջանա, ապա սպառնալիքը, միևնույն է, կմնա»,- բացատրել է նա։
Հայտնի է դարձել, որ նման խնդրանքով Ռուսաստանին են դիմել գրեթե բոլոր ԱՊՀ երկրները՝ բացառությամբ Ուկրաինայի և Թուրքմենստանի։
«Տեղեկատվությունը հավաքվում և փոխանցվում է շտաբ, որտեղ էլ որոշում է կայացվում, թե ում որքան օգնություն պետք է հատկացվի»,- նշել է «Կոմերսանտի» զրուցակիցը։
Նախօրեին Բելառուսի նախագահ Ալեքսանդր Լուկաշենկոն հայտարարել էր, որ չի հասկանում կորոնավիրուսի պատճառով խիստ կարանտինային միջոցառումներ ձեռնարկողներին։ Նրա կարծիքով՝ կան շատ այլ հիվանդություններ, որոնց պատճառով երկրի քաղաքացիները բժշկական օգնություն են ստանում, իսկ Բելառուսում բոլորը կենտրոնացել են միայն կորոնավիրուսի վրա:
Վերջին տեղեկությունների համաձայն՝ Բելառուսում կորոնավիրուսով վարակվել է 163 մարդ։ Երկրում հիվանդությունից ապաքինվել է 53 հոգի, մահացել՝ 1-ը։
Առողջապահության համաշխարհային կազմակերպությունը մարտի 11-ին նոր կորանավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման 859 338 դեպք, 42 334-ը՝ մահվան ելքով, ապաքինվել է 178 125 մարդ։
Համաճարակի օջախ Չինաստանի սահմաններից դուրս վարակը տարածվել է 203 երկրում:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է