Թուրքմենստանում արգելել են «կորոնավիրուս» բառն օգտագործել․ «Լրագրողներ առանց սահմանների»
Թուրքմենստանի իշխանություններն արգելել են «կորոնավիրուս» բառի օգտագործումը և համավարակի մասին տեղեկությունները թաքցնելու համար կենցաղում դրա կիրառությունը բացառել, հայտնում է «Լրագրողներ առանց սահմանների» իրավապաշտպան կազմակերպությունը (RSF)։
Իրավապաշտպանների տվյալների համաձայն՝ երկրում բոլոր լրատվամիջոցներին արգելել են հրապարակումներում «կորոնավիրուս» բառն օգտագործել։
Բառը չի կիրառվել նաև Թուրքմենստանի առողջապահության նախարարության կողմից երկրի ուսումնական հաստատություններ, հիվանդանոցներ և աշխատավայրեր ուղարկված թռուցիկներում։
Թուրքմենստանի քաղաքացիներին արգելում են խոսել նոր տեսակի կորոնավիրուսի համավարակի մասին: Մայրաքաղաք Աշխաբադի փողոցներում կորոնավիրուսի մասին խոսակցությունները կարող են ձերբակալությամբ ավարտվել:
Շատ դեպքերում մարդկանց ձերբակալում են քաղաքացիական հագուստով անձինք, իսկ թե ինչ է սպասվում բերման ենթարկվածներին՝ անհայտ է: Ենթադրաբար իշխանությունները նման մեթոդով պայքարում են խուճապի տարածման դեմ:
Միևնույն ժամանակ ներկայում Թուրքմենստանի շատ բնակիչների անհանգստացնում է աշխատանքի բացակայությունը, քանի որ կորոնավիրուսի դեմ պայքարում իրականացվող սահմանափակիչ քայլերի հետևանքով շատ մարդիկ առանց եկամուտ են մնացել: Երկրում փակվում են ժամանցի վայրերն ու մասնավոր ձեռնարկությունները: Պետական հիմնարկների աշխատակիցներին ուղարկում են չվճարվող արձակուրդ:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է