Սնոուդենը նախազգուշացրել է COVID-19-ի պատճառով սահմանած հսկողության հետեւանքների մասին. Business Insider
ԱՄՆ Ազգային անվտանգության գործակալության նախկին աշխատակից Էդվարդ Սնոուդենը նախազգուշացրել է, որ կորոնավիրուսի ճգնաժամի պայմաններում կառավարությունների կողմից սահմանված հսկողությունը կարող է հանգեցնել քաղաքացիական անազատությունների երկարաժամկետ հետևանքների, գրում է Business Insider-ը։
Կոպենհագենի վավերագրական ֆիլմերի փառատոնի համար տեսակոնֆերանսի ժամանակ Սնոուդենը հայտարարել է, որ տեսականորեն նոր լիազորությունները, որոնք պետությունների կողմից սահմանվել են կորոնավիրուսի բռնկման դեմ պայքարելու համար, կարող են ուժի մեջ մնալ համավարակի հանդարտվելուց և կորոնավիրուսի հաղթահարումից հետո։
Վիրուսի ու դրա տարածման նկատմամբ վախը նշանակում է, որ զարկերակի կամ սրտի աշխատանքին հետևող ֆիթնես թրեքերները կարող են կառավարությունների ցուցումով հասանելիություն տրամադրել այդ տվյալներին, ասում է Սնոուդենը:
«Հինգ տարի անց կորոնավիրուսն այլևս անցյալում կլինի, իսկ այդ տվյալները դեռ հասանելի կլինեն նրանց»,-ասել է նա՝ հավելելով. «Նրանք արդեն գիտեն՝ ինչ եք փնտրում համացանցում, այժմ արդեն գիտեն՝ որքան է ձեր սրտի զարկերի հաճախականությունը։ Իսկ ի՞նչ կլինի, եթե նրանք արդեն ունեցած բոլոր տվյալները համադրեն և դեռ մի բան էլ արհեստական բանականություն կիրառեն»:
Եվրոպական շատ երկրներ, ներառյալ՝ Իտալիան, Մեծ Բրիտանիան և Գերմանիան, գործարքներ են կնքել հեռահաղորդակցային ընկերությունների հետ, որպեսզի օգտագործեն անանուն ամփոփ տվյալներ մարդկանց տեղաշարժի վերաբերյալ՝ քարտեզներ ստեղծելու համար:
Իսրայելն իր լրտեսական ծառայություններին արտակարգ լիազորություններ է տրամադրել քաղաքացիների հեռախոսներ մուտք գործելու և դրանց հասանելիություն ունենալու համար:
Հարավային Կորեան հաղորդագրություններ է ուղարկում մարդկանց՝ զգուշացնելու, թե երբ կարող են շփված լինել կորոնավիրուսի վարակակրի հետ, ներառյալ՝ վերջինիս անձնական տվյալները՝ տարիքը և սեռը։
Սինգապուրը սմարթֆոնների հավելվածն օգտագործում է մարդկանց տեղաշարժին, ըստ այդմ՝ կորոնավիրուսի տարածմանը հետևելու համար։
Լեհաստանում կարանտինի մեջ գտնվող քաղաքացիները պետք է ներբեռնեն կառավարական հավելված, որը պարտավորեցնում է նրանց սելֆիներ ուղարկել, որպեսզի հաստատեն, որ տանն են։
Թայվանը ներկայացրել է «էլեկտրոնային պատնեշ» համակարգը, որը ոստիկանությանը զգուշացնում է, որ կարանտինի մեջ գտնվող հիվանդները դուրս են գալիս իրենց տներից:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Արսեն Զախարյանի տրանսֆերային արժեքն աճել է