Տասնամյակների կործանարար հողօգտագործումը և ջրային ռեսուրսների սխալ կառավարումը բախվել են մարդու կողմից առաջացած կլիմայական ճգնաժամին և «աննախադեպ ծանրաբեռնվածություն» ստեղծել համաշխարհային ջրային բոլորաշրջանի վրա, ասված է Ջրի էկոնոմիկայի համաշխարհային հանձնաժողովի, միջազգային առաջնորդների և փորձագետների հրապարակած համատեղ զեկույցում:
Ջրի բոլորաշրջանը ասելով հասկանում ենք խրթին համակարգ, որի օգնությամբ ջուրը տեղաշարժվում է Երկիր մոլորակով: Ջուրը գոլորշիանում է երկրի մակերևույթից՝ ներառյալ լճերը, գետերը և բույսերը, և բարձրանում է մթնոլորտ՝ ձևավորելով ջրային գոլորշիներից բաղկացած վիթխարի գետեր, որոնք կարող են հաղթահարել մեծ տարածություններ, այնուհետև սառչել, խտանալ և ի վերջո անձրևի կամ ձյան տեսքով նորից թափվել Երկրագնդի վրա:
Ջրի բոլորաշրջանի խաթարումն արդեն սկսել է տառապանք պատճառել, ընդգծվում է զեկույցում։ Գրեթե 3 միլիարդ մարդ բախվում է ջրի սակավության հետ: Բերքը նվազում է, իսկ քաղաքներն անցնում են ջրի տակ, քանի որ գետնաջրեր ցամաքում են:
Առանց անհապաղ գործողությունների, հետևանքներն էլ ավելի աղետալի կլինեն։ Ջրի ճգնաժամը սպառնում է համաշխարհային պարենի արտադրության ավելի քան 50%-ին և մինչև 2050 թվականը սպառնում է նվազեցնել երկրների ՀՆԱ-ն՝ միջինը 8%-ով, իսկ ցածր եկամուտ ունեցող երկրներում կանխատեսվում են շատ ավելի մեծ կորուստներ՝ մինչև 15% ՀՆԱ-ի նվազեցում, ասված է Ջրի էկոնոմիկայի համաշխարհային հանձնաժողովի զեկույցում:
Լույսն ամենաթանկ նվերն է, որ կարող ես տալ մարդուն
Առաջին նոր երգ` հարսանիքից հետո
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Z համաշխարհային պատերազմը վերադառնում է
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Ով կներկայացնի Հայաստանն այս տարի «Մանկական Եվրատեսիլ» մրցույթում
Դեպի Երևան․ ինչպե՞ս (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...