Հյուսիսային Մակեդոնիայի նախագահը ՆԱՏՕ-ին անդամակցելու փաստաթուղթ է ստորագրել

Հյուսիսային Մակեդոնիայի նախագահ Ստևո Պենդարովսկին ստորագրել է ՆԱՏՕ-ին անդամակցելու մասին եզրափակիչ փաստաթուղթը, հայտնել է նրա վարչակազմը, գրում է The New York Times-ը։

«Այս փաստաթղթով ես՝ որպես պետության նախագահ, հանդիսավոր կերպով հայտարարում եմ, որ Հյուսիսային Մակեդոնիայի Հանրապետությունը միանում է Հյուսիսատլանտյան պայմանագրին և պարտավորվում է պահպանել և կատարել այդ պայմանագրի բոլոր դրույթները»,- ասել է պետության ղեկավարը։

Մարտի 17-ին Սկոպյեի՝ Հյուսիսատլանտյան դաշինքին անդամակցելու մասին արձանագրությունը վավերացրել է Իսպանիայի խորհրդարանը՝ ՆԱՏՕ-ի անդամ երկրների օրենսդիր ժողովներից վերջինը։