Մահացել է առաջին տիեզերագնաց Յուրի Գագարինի այրին

Խորհրդային օդաչու-տիեզերագնաց, ԽՍՀՄ հերոս Յուրի Գագարինի այրին՝ Վալենտինան, մահացել է կյանքի 85-րդ տարում: Այս մասին հայտնում է РИА Новости-ն՝ հղում անելով Տիեզերագնացների պատրաստման կենտրոնի մամլո ծառայությանը:

Կենտրոնից դեռ չեն նշել, թե երբ և որտեղ տեղի կունենա հուղարկավորությունը: Գործակալության աղբյուրներից մեկը հայտնել է, որ մոտ մեկ ամիս առաջ Վալենտինա Գագարինան գլխուղեղի կաթված է ստացել:

Վալենտինան ծնվել է 1935 թվականի դեկտեմբերի 15-ին: Ավարտել է բժշկական ուսումնարանն ու 1957-ին ամուսնացել ապագա տիեզերագնացի հետ: Նրանք երկու դուստր են ունեցել՝ Ելենան և Գալինան:

1968 թվականին՝ ամուսնու մահից հետո Գագարինան աշխատել է որպես լաբորանտ-կենսաքիմիկոս: