Ռուսաստանը պատրաստ է նավթի գների անկմանը ավելի լավ, քան նավթ արդյունահանող երկրները. Սիլուանով

Ռուսաստանը պատրաստ է նավթի գների անկմանը ավելի լավ, քան նավթ արդյունահանող երկրները: Այս մասին հայտարարել է ՌԴ ֆինանսների նախարար Անտոն Սիլուանովը, հաղորդում է ՏԱՍՍ-ը:

«Մենք լիովին պատրաստ ենք: Մենք պատրաստ ենք ավելի լավ, քան նավթ արդյունահանող երկրները: Մենք կատարում ենք մեր բոլոր պարտավորությունները եւ չենք կրճատի կամ նվազեցնի բյուջետային փոփոխությունները»,- ասել է Սիլուանովը:

Մարտի 9-ին առավոտյան ռուբլին կտրուկ էժանացել է ամերիկյան եւ եվրոպական արժույթների նկատմամբ՝ նավթի արդյունահանման կրճատման մասին ՕՊԵԿ+ երկրների բանակցությունների տապալումից հետո: Այդպիսով, դոլարը թանկացել է մինչեւ 75 ռուբլի, իսկ եվրոն՝ 85 ռուբլի 2016 թվականից ի վեր առաջին անգամ:

Ընդ որում, Լոնդոնի ICE բորսայում Brent տեսակի նավթի մեկ ֆյուչերսը՝ 2020 թվականի մայիսյան մատակարարմամբ, նվազել է ավելի քան 40 տոկոսով՝ մինչեւ 31,02 դոլար մեկ բարելի դիմաց: Նավթի գները նվազել են Վիեննայում ՕՊԵԿ+ երկրների բանակցությունների տապալման ֆոնին եւ կորոնավիրուսի պատճառով պահանջարկի նվազեցման պայմաններում: ՕՊԵԿ-ը առաջարկել է հավելյալ նվազեցնել արդյունահանումը մինչեւ տարեվերջ օրական 1,5 մլն բարելով: Սակայն դրան դեմ են եղել Ռուսաստանը եւ Ղազախստանը: