Նիդեռլանդների վարչապետը բնակչության համար «արգելել» է ձեռքսեղմումներն ու նույն վայրկյանին սեղմել կողքին կանգնած պաշտոնյայի ձեռքը (տեսանյութ)

Նիդեռլանդների վարչապետ Մարկ Ռյուտեն կորոնավիրուսի համաճարակի ֆոնին դիմել է երկրի 17 մլն բնակչությանը՝ կոչ անելով վարակի տարածումը կանխելու նպատակով այսուհետ հրաժարվել ձեռքսեղմումներից:

Հատկանշական է, որ այս հայտարարությունից անմիջապես հետո ինքը՝ վարչապետը, հակառակն է արել ու սեղմել կողքին կանգնած պաշտոնյայի ձեռքը, գրում է The Guardian-ը:

«Այս պահից սկսած դադարում ենք ձեռքսեղմումները: Կարող եք ոտքով կամ թևերով կամ այլ կերպ իրար ողջունել, սակայն այսօրվանից վերջ ենք տալիս ձեռքսեղմումներին»,-մամուլի ասուլիսի ժամանակ ասել է վարչապետը:

Սա ասելուց հետո նա շրջվել է երկրի Վարակային հիվանդությունների վերահսկման կենտրոնի տնօրենի կողմն ու սեղմել վերջինիս ձեռքը:

«Կներեք, կներեք, դա անթույլատրելի էր, եկեք նորից փորձենք»,-չկարողանալով զսպել ծիծաղը՝ ասել է վարչապետը ու թևով հպվել տղամարդու թևին:

Հայտնի է, որ Նիդեռլանդներում հաստատվել է կորոնավիրուսով ախտահարման 321 դեպք: Նշենք, որ կորոնավիրուսի նոր տեսակի համաճարակի հետևանքով աշխարհում զոհերի թիվը հատել է 4000-ի շեմը:

Immediately after announcing a new no handshake policy in the Netherlands, Dutch Prime Minister Mark Rutte did this. pic.twitter.com/tB8CxiJyH9

— Sean Craig (@sdbcraig) March 9, 2020