Ռուսաստանը բրիտանացիների ցանց է վարձել «Պուտինի թշնամիներին հետապնդելու համար»
Մեծ Բրիտանիայի խորհրդարանի մի շարք անդամներ Ռուսաստանին մեղադրել են բրիտանացի քաղաքական գործիչների և խորհրդականների ցանց վարձելու և նրանց միջոցով Ռուսաստանի «հանցավոր շահերն առաջ տանելու», Լոնդոնում Վլադիմիր Պուտինի «թշնամիներին հետապնդելու» համար: Այս մասին գրում է The Guardian պարբերականը` հղում անելով Ռուսաստանի մասին զեկույցը կազմող պատգամավորներին:
Խորհրդարանի հետախուզության և անվտանգության հարցերով հանձնաժողովի ներկայացրած գաղտնի ապացույցներում ֆինանսիստ Բիլլ Բրոուդերը հայտարարել է, որ Մոսկվան կարողացել է «ներթափանցել» բրիտանական հասարակություն` օգտագործելով լավ վճարվող բրիտանացի միջնորդների»:
«Նրանցից որոշները կարող էին իմանալ՝ ում և ինչի համար են աշխատում, մյուսները Ռուսաստանի համար աշխատում են ակամայից, առանց իմանալու»,-նշել է Բրոուդերը:
Ենթադրյալ միջնորդների թվում են քաղաքական գործիչներ ինչպես Լեյբորիստական, այնպես էլ Պահպանողական կուսակցություններից, հետախուզական ու դիվանագիտական ոլորտի նախկին աշխատակիցներ, ինչպես նաև մի քանի առաջատար կազմակերպություններ:
Բրոուդերի ցուցմունքներում խոսք չկա այն մասին, որ Բրիտանիայի քաղաքացիները օրենք են խախտել: Նրա խոսքով՝ «մոսկովյան ռեժիմն օգտագործում է այդ մասնագետներին, որպեսզի քողարկի իր խառը և հանցավոր շահերը»:
«Ռուսաստանը նրանց օգտագործում է Պուտինի քննադատների վրա հարձակվելու, ռուսական քարոզչությունն ու ապատեղեկատվությունը տարածելու, փողերի լվացման մասշտաբային գործողությունները հեշտացնելու ու քողարկելու համար»,-ասել է նա:
ՌԴ նախագահի մամուլի խոսնակ Դմիտրի Պեսկովը Բրոուդերի հայտարարությունները բնորոշել է որպես «ստահոդ և անհիմն»:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի