Մեկ օրում այլ պետություններից Սիրիա է վերադարձել ավելի քան 1 000 փախստական

Մեկ օրվա ընթացքում Լիբանանից ավելի քան 200, Հորդանանից գրեթե 800 փախստական է վերադարձել Սիրիա, հայտնում է «ՌԻԱ Նովոստի» գործակալությունը` հղում տալով Ռուսաստանի պաշտպանության նախարարության կայքում փախստականների ընդունելության, բաշխման և բնակեցման կենտրոնի կողմից հրապարակված տվյալներին:

«Վերջին մեկ օրում օտարերկրյա պետություններից Սիրիայի Արաբական Հանրապետոթյուն 1 009 փախստական է վերադարձել»,- ասվում է տեղեկագրի տեքստում:

Նշվում է նաև, որ Սիրիայի զինված ուժերի ինժեներական ստորաբաժանումները Դամասկոս և Դերրա նահանգների բնակեցված տարածքներում օբյեկտների և տեղանքի ականազերծման առաջադրանքներ են իրականացրել: Մի քանի օրվա ընթացքում ականազերծվել է 1,9 հա տարածք, հայտնաբերվել և ոչնչացվել է 27 պայթուցիկ: