Բորիս Ջոնսոնը հայտարարել է նշանադրության եւ առաջնեկին սպասելու մասին

Մեծ Բրիտանիայի վարչապետ Բորիս Ջոնսոնը եւ ընկերուհին՝ Կերրի Սայմոնդսը նշանված են եւ երեխայի են սպասում, հայտնել է զույգի պաշտոնական ներկայացուցիչը: 

Զույգը հայտարարությունը տարածել է մամուլի քարտուղարի միջոցով: Նրա խոսքերով, զույգը շատ ուրախ է հանրությանը հայտնել Սայմոնդսի հղիության մասին լուրը:

55-ամյա Ջոնսոնը եւ 31-ամյա Սայմոնդսը Բրիտանիայի պատմության մեջ առաջին չամուսնացած զույգն է, որը բնակվում է վարչապետերի Դաունինգ Սթրիթի նստավայրում:

Ինչպես նաեւ վերջին 173 տարում Բրիտանիայի վարչապետի եւ նրա կնոջ տարիքային տարբերությունն այդքան չի եղել: Նրանց տարիքային տարբերությունը 24 տարի է: 

Բորիս Ջոնսոնն ամուսնացած է եղել 2 անգամ: 1987-1993 թվականներին նա ամուսնացած է եղել Ալեգրա Մոստին-Օուենի հետ: 1993 թվականին Ջոնսոնն ամուսնացել է Մարինե Ուիլերի հետ, որը հայտնի հաղորդավար եւ լրագրող սըր Չարլզ Ուիլերի դուստրն է: 

Սեպտեմբերին Ջոնսոնը եւ Ուիլերը հայտարարեցին, որ վաղուց արդեն միասին չեն ապրում եւ ամուսնալուծվում են: Մոտավորապես հենց այդ ժամանակ էլ տարածվեցին լուրերն այն մասին, որ քաղաքական գործիչը հանդիպում է Կերրի Սայմոնդսի հետ, որը Լոնդոնի քաղաքապետի ընտրությունների ժամանակ աշխատում էր Ջոնսոնի շտաբում: 

Ջոնսոնը եւ Ուիլերն ունեն 4 երեխաներ: Ըստ ԶԼՄ-ների, վարչապետը նաեւ կարող է լինել արվեստաբան Հելեն Մակինտայերի երեխայի հայրը:

Ինքը Ջոնսոնը 2019 թվականին խուսափել էր ուղիղ պատասխանել, թե քանի երեխա ունի: