Գերմանիայում կոչ են անում մեծացնել ճնշումը Սիրիայի եւ Ռուսաստանի վրա Իդլիբում իրավիճակի պատճառով
Գերմանիայի Քրիստոնեա-դեմոկրատական միության առաջատար քաղաքական գործիչները կոչ են արել մեծացնել ճնշումը Սիրիայի նախագահ Բաշար Ասադի եւ Ռուսաստանի վրա Իդլիբում իրավիճակի քաղաքական կարգավորման ուղիները գտնելու նպատակով այն բանից հետո, երբ Թուրքիայի նախագահ Ռեջեփ Թայիփ Էրդողանը հայտարարել էր փախստականների համար սահմանները բացելու մասին, կիրակի գրում է Frankfurter Allgemeine Zeitung թերթը:
«ԵՄ-ն եւ ԱՄՆ-ն այժմ պետք է միասին մեծացնեն ճմշումը Ասադի եւ Պուտինի վրա Սիրիայում սարսափելի պատերազմին վերջ տալու մասին քաղաքական բանակցությունների համար ճանապարհ բացելու նպատակով»,-հայտարարել է պարբերականին Գերմանիայի պաշտպանության նախարար Անեգրեթ Քրամփ-Քարենբաուերը, հաղորդում է ՏԱՍՍ-ը:
Բունդեսթագում արտաքին գործերի հանձնաժողովի նախագահ Նորբերթ Ռեթգենը համարում է, որ Արեւմուտքը պետք է քննարկի Ռուսաստանի դեմ լրացուցիչ պատժամիջոցներ սահմանելու մասին հարցը Սիրիայում իրավիճակի պատճառով: «Մենք պետք է հստակորեն հասկացնենք, որ պատրաստ ենք դերակատարում ունենալ ինչպես դիվանագիտական, այնպես էլ տնտեսական առումով»,-նշել է քաղաքական գործիչը՝ կարծիք հայտնելով, որ այդպիսի կոշտ դիրքորոշման նախաձեռնողները կարող էին լինել Գերմանիան եւ Ֆրանսիան համատեղ:
Միեւնույն ժամանակ նա նախազգուշացրել է ԵՄ-ին Էրդողանի հայտարարությունների շուրջ կոշտ արձագանքի մասին: Նրա կարծիքով՝ Թուրքիայի նախագահի հայտարարությունները փախստականների համար սահմանները բացելու մասին «օգնության ճիչ էին, ոչ թե սադրանք»: «Սիրիայում Ռուսաստանի հետ համագործակցելու նրա փորձը ձախողվել է»,-համարում է Ռեթհենը:
Գերմանիայի կառավարությունը դեռեւս բացահայտ կերպով չի քննարկել Էրդողանի սպառնալիքները, գրում է թերթը: Կառավարությունում հայտարարել են, որ Բեռլինը սպասում է փախստականների հարցով ԵՄ եւ Թուրքիայի միջեւ գործարքի պահպանումը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ամբերդ ամրոց և Քարի լիճ տանող ավտոճանապարհները փակ են
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...