Իդլիբում ռազմական բախումների ֆոնին մեծանում է լարվածությունը Թուրքիայի և Ռուսաստանի միջև
Սիրիայի Իդլիբ նահանգում ռազմական բախումները նոր թափ են ստանում թուրքական կողմի հայտարարությունից հետո, որի համաձայն՝ իրենք «ոչ մի քայլ չեն նահանջի» սիրիական կառավարական ուժերին թուրքական դիտակետերից հետ մղելու հարցում:
Ինչպես ներկայացնում է Euronews-ը, Իդլիբում ռազմական բախումների ֆոնին մեծանում է լարվածությունը Անկարա-Մոսկվա հարաբերություններում:
Միլիոնավոր սիրիացիներ հայտնվել են ռազմադաշտի կենտրոնում: Ռմբակոծություններն Իդլիբում արդեն երեք ամիս է, ինչ չեն դադարում: Մարտերն առավել ակտիվ են դարձել վերջին 48 ժամվա ընթացքում:
Ըստ Մարդու իրավունքների սիրիական դիտորդական կենտրոնի՝ ռմբակոծությունների թիրախում են հայտնվել նաև դպրոցներ և հիվանդանոցներ, տասնյակ քաղաքացիներ են զոհվել, այդ թվում՝ երեխաներ:
Նշվում է, որ 4 մլն մարդ հայտնվել է անելանելի վիճակում. նրանք գնալու տեղ չունեն, բայց ստիպված են հեռանալ իրենց տներից:
Թուրքիայի նախագահ Ռեջեփ Թայիփ Էրդողանը հինգշաբթի հայտարարել է, որ երեք թուրք զինվորական է մահացել Իդլիբում: Վերջինս փետրվարի 26-ին հայտնել էր, որ ՌԴ նախագահ Վլադիմիր Պուտինի հետ հանդիպումն Իդլիբի հարցով, ամենայն հավանականությամբ, կկայանա մարտի 5-ին Ստամբուլում:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին