Իրանում գրանցվել է կորոնավիրուսով վարակման արդեն 95 եւ մահվան 16 դեպք, աշխարհում մահվան դեպքերի ընդհանուր թիվը հասել է 2760-ի

Իրանում գրանցվել է COVID-19 կորոնավիրուսով վարակման 95 դեպք, 16 պացիենտ մահացել է: Աշխարհում կորոնավիրուսի հետեւանքով մահվան դեպքերի ընդհանուր թիվը հասել է 2760-ի:

Ըստ gisanddata.maps.arcgis.com-ի տեղեկությունների՝ աշխարհում վարակման հաստատված դեպքերի թիվը հասել է 80 994-ի: Նրանց գերակշիռ մեծամասնությունը Չինաստանում է (78 հազարից ավելի): Հարավային Կորեայում՝ 1146 պացիենտ, Իտալիայում՝ 322, Ճապոնիայում՝ 170, Իրանում՝ 95, Սինգապուրում՝ 91, Հոնկոնգում՝ 85: Այսպիսով, Իրանը վարակակիրների թվով աշխարհում 5-րդ տեղում է եւ 2-րդ տեղում մահվան դեպքերի թվով:

Մահվան դեպքերի թվով երրորդ տեղը կիսում են Իտալիան եւ Հարավային Կորեան՝ երկու երկրներում գրանցվել է կորոնավիրուսի հետեւանքով մահվան 10-ական դեպք:

Աշխարհում կորոնավիրուսից առողջացել է 30 065 պացիենտ