Բրիտանիայում շրջանառության մեջ են դրել թղթադրամ՝ նկարիչ Թյոռների դիմանկարով
Մեծ Բրիտանիայում փետրվարի 20-ին շրջանառության մեջ է դրվել սինթետիկ պոլիմերներից նոր թղթադրամ՝ 20 ֆունտ (25,9 դոլար) անվանական արժեքով, որի վրա պատկերված է բրիտանացի նկարիչ Ուիլյամ Թյոռները (1775 – 1851 թվականներ): Այն փոխարինել է անգլիացի տնտեսագետ եւ հրապարակախոս Ադամ Սմիթի պատկերով թղթադրամին, հայտնել է Անգլիայի բանկը, որը կատարում է Մեծ Բրիտանիայի կենտրոնական բանկի գործառույթները:
Նոր թղթադրամը դարձել է երրորդը, որը Միացյալ Թագավորությունում պատրաստվել է դիմացկուն պոլիմերներից, 5-ֆունտանոց (2016 թվական)՝ Ուինսթոն Չերչիլի (1874 – 1965 թվականներ) դիմանկարով, եւ 10-ֆունտանոց (2017 թվական)՝ գրող Ջեյն Օսթինի (1775 – 1817 թվականներ) պատկերով թղթադրամներից հետո: «Պոլիմերներից 20-ֆունտանոց թղթադրամի պատրաստումը կարեւոր քայլ առաջ է դրամանիշների կեղծման դեմ պայքարում»,- հայտարարել է Անգլիայի բանկի գլխավոր գանձապահ Սառա Ջոնը: Այժմ շարունակում է շրջանառության մեջ գտնվել 20 ֆունտ անվանական արժեքով շուրջ 2 մլիարդ թղթադրամ՝ բամբակե հիմքով: Նոր դրամանիշը, կենտրոնական բանկի հաղորդագրության համաձայն՝ ամենապաշտպանվածն է Անգլիայի բանկի կողմից երբեւէ թողարկված թղթադրամներից՝ երկգույն պոլիգրաֆիական նրբաթիթեղով եւ հոլոգրամով, հաղորդել է ՏԱՍՍ-ը:


















































Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Մենք ուզում ենք, որ դուք օր առաջ տնավորվեք ՀՀ-ում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի