«Եկեք նշենք միասին». Շվեյցարիայի նախագահը երկրում նույն տարվա նույն օրը ծնված բոլոր քաղաքացիներին հրավիրել է իր ծննդյան խնջույքին

Շվեյցարիայի նախագահ Սիմոնետա Սոմարուգան որոշել է երկրում նույն տարվա նույն օրը ծնված քաղաքացիներին հրավիրել իր 60-ամյակի խնջույքին, գրում է The Local հրատարկությունը:

Այն համաքաղաքացիները, որնք որոշում կկայացնեն մասնակցել միջոցառմանը, պետք է գրանցվեն նախագահական կայքում և անձը հաստատող փաստաթղթի պատճենը ուղարկեն այդ հասցեով:

«Ուրախ կլինեի ստանալ ձեր գրանցումները ծննդյանս խնջույքի համար»,- հինգշաբթի Twitter սոցիալական կայքի իր էջում գրել է նախագահը:

Սիմոնետա Սոմարուգան ծնվել է 1960 թվականի մայիսի 14-ին: Նախագահն իր ծննդյան օրը պատրաստվում է Շվեյցարիայի փաստացի մայրաքաղաք Բեռնի մերձակայքում նշել: Տոնակատարության մասին այլ տեղեկություններ դեռ չեն հաղորդվում:

Նշվում է, որ պետության ղեկավարի հետ նույն օրը ծնվել է մոտ 260 շվեյցարացի:

Հիշեցնենք, որ Սիմոնետա Սոմարուգան Շվեյցարիայի Համադաշնության նախագահի պաշտոնը ստանձնել է 2020 թվականի հունվարի 1-ին: 

Ich freue mich auf Ihre Anmeldung für meine Geburtstagsfeier: https://t.co/osDtWgsAcd

Sarò lieta di ricevere la Sua iscrizione per la mia festa di compleanno: https://t.co/Lx6nq4X6LD

Je me réjouis de votre inscription à ma fête d'anniversaire: https://t.co/JCDPeHk6A2 pic.twitter.com/jzs2oOiBu3

— Simonetta Sommaruga (@s_sommaruga) February 20, 2020