«Շերեմետևո» օդանավակայանում ձերբակալել են չվերթի ժամանակ ուղևորներից մեկից 40 000 դոլար գողացած հայ ամուսիններին
Լոս Անջելես-Մոսկվա չվերթն իրականացնող օդանավի ուղևորուհիներից մեկը 40 000 դոլար է գողացել ինքնաթիռում հարևանությամբ նստած ուղևորուհուց և գողոնը թաքցրել կոշիկի մեջ:
Ինչպես հաղորդում է Lenta.ru-ն՝ հղում անելով ՌԴ ՆԳՆ-ին, գողությունը կատարողը Հայաստանի բնակչուհի է: «Շերեմետևո» օդանավակայանում վայրէջքից հետո ուղևորուհին դիմել է ՆԳՆ հերթապահ բաժնին՝ խնդրելով գտնել իր պայուսակը, որը մոռացել է ինքնաթիռում: Սակայն, երբ ոստիկանության աշխատակիցները օդանավի սրահ են բարձրացել, պայուսակն արդեն տեղում չի եղել:
Բորտուղեկցորդները հայտնել են, որ պայուսակը կարող էին գողացած լինել հարևան ուղևորներից ոմանք, որոնք երկար ժամանակ նստած էին մնացել իրենց տեղերում: Ոստիկաններն արագ պարզել են կասկածյալների տվյալներն ու ձերբակալել նրանց: Նրանցից մեկին մատնել է տարօրինակ քայլվածքը:
«Կինը դժվարությամբ էր շարժվում՝ պատճառաբանելով դա առողջական վիճակով, սակայն, ինչպես պարզվել է, նորմալ քայլել նրան խանգարում էին մարզակոշիկներում թաքցրած թղթադրամների կապոցները: Գումարի մյուս մասն առգրավվել է նրա ամուսնու վերարկուի գրպանից»- ասվում է ՆԳՆ հաղորդագրության մեջ:
Ձերբակալվածների նկատմամբ քրեական գործ է հարուցվել:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին