Բելգիական տաճարում մարդկային ոսկորներից և գանգերից կառուցված պատեր են հայտնաբերվել (լուսանկարներ)
Հնագետները Բելգիայի տարածքում գտնվող տաճարներից մեկում մարդկային ոսկորներից և կոտրած գանգերից կառուցված պատեր են հայտնաբերել, գրում է Independent-ը:
Բելգիայի հյուսիս-արևմուտքում գտնվող Գյոթեի Սուրբ Բավո տաճարի ահարկու տեսարանին ականատես են դարձել այցելուների համար նոր կենտրոն կառուցող բանվորները:
Brussels Times թերթի տվյալներով՝ պատերը հիմնականում կառուցված են միմյանց վրա դիզված ազդրի ոսկորներից և հասուն մարդկանց սրունքի ոսկորներից, իսկ դրանց միջև տարածությունը լցված է գանգերով:
Կառուցապատման նախագծի ղեկավար Յանիեկ դե Գրիզեն հայտնել է, որ ոսկորները կհեռացվեն:
«Այս պահին կարող եմ ասել, որ շինարարությունը թվագրվում է 17-18-րդ դարերին, թեև դեռևս մի շարք հետազոտություններ պետք է իրականացվեն»,- ասել է նա:
Հնագետները կարծում են, որ ոսկորները ձեռք են բերվել եկեղեցու բակում գերեզմանոցի մաքրման աշխատանքների ժամանակ:
«Գերեզմանոցի մաքրման ժամանակ կմախքները պարզապես չէին կարող դեն նետել՝ հաշվի առնելով, որ հավատացյաները հավատում են մարմնի հարությանը, և ոսկորները համարվում են դրա կարևոր բաղադրիչը»,- ասել է նա:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին