Զելենսկին սպառնացել է Չինաստանից տարհանված ուկրաինացիներին բնակեցնել պաշտոնյաների առանձնատներում

Ուկրաինայի նախագահ Վլադիմիր Զելենսկին Ազգային անվտանգության ծառայության նիստից հետո տեղի ունեցած ճեպազրույցի ժամանակ սպառնացել է Չինաստանից տարհանված ուկրաինացիներին անձամբ բերել այն քաղաքական գործիչների տներ, որոնք մարդկանց կոչ են անում թույլ չտալ մարդկանց տեղակայումը առողջարաններում: Այս մասին տեղեկացնում է korrespondent.net կայքը:

«Ես ուզում եմ դիմել մի քանի քաղաքական կուսակցությունների, որոնք կոչեր են անում մարդկանց: Մենք այս տեղեկատվությունը ստացել ենք իրավապահ մարմինների միջոցով: Դիմում են մարդկանց, տեղի բնակիչներին և հրահրում են փողոցներ փակել: Եթե դուք փողոցներ փակեք, մենք մեր բոլոր քաղաքացիներին կբերենք ձեր առանձնատները»,-ասել է Զելենսկին:

Նրա խոսքով՝ որոշ ԶԼՄ-ներ ապատեղեկատվություն են տարածել, որ Չինաստանից տարհանվածներին տանում են «մի տեղ, որտեղ ամեն ինչ պատրաստ չէ դրա համար»:

Ուկրաինայի նախագահը ընդգծել է, որ վիրուսային սպառնալիքի հետ կապված իրավիճակը վերահսկվում է:

Ուկրաինայում կարանտինի վայրը գաղտնի են պահում: Նշվում է, որ ծրագրվում է այնտեղ տեղավորել 100 ուկրաինացիների:

Այս թեմայով Եթե դուք չեք ծառայում պետությանը խորհրդարանում, ապա ծառայեք պետությանը ռազմաճակատում. Զելենսկի Ուկրաինա-Ռուսաստան-ԱՄՆ պատվիրակությունների հաջորդ հանդիպումը տեղի կունենա ԱՄԷ-ում՝ մարտի սկզբին․ Զելենսկի Զելենսկին նվաստացրել է Գերմանիայի արտգործնախարարին Պուտինն արդեն սկսել է Երրորդ համաշխարհային պատերազմը. Զելենսկի Միացյալ Նահանգներն ուզում է պատերազմը դադարեցնել մինչև ամառ