ԱՄՆ-ում աշակերտները համադասարանցիներին ծաղելու համար Թրամփի արտահայտություններն են կիրառում

Ամերիկյան The Washington Post պարբերականը վերլուծել է ԱՄն նախագահ Դոնալդ Թրամփի նախագահության ամբողջ ընթացքում տարրական, միջնակարգ և ավագ դպրոցներում համադասարանցիներին ծաղրուծանակի ենթարկելու դեպքերի մասին հրապարակված հոդվածները և պարզել է, որ սովորողները շատ դեպքերում օգտագործում են նախագահի ծայրահեղական ու սադրիչ արտահայտությունները, հայտնում է The Independent հրատարակությունը:

«Թերթը վերլուծել է 25 հազար հոդված` սկսած 2016 թվականից և հայտնաբերել է, որ Թրամփի արտահայտությունները, նախընտրական քարոզարշավների ժամանակ հնչեցված կարգախոսները և անգամ նրա ազգանունը ուսումնական հաստատությունների սովորողների կողմից դասընկերներին ծաղրելու համար օգտագործվել է ավելի քան 300 անգամ: Դրանց 75 տոկոսի դեպքում Թրամփի հետ կապված սադրիչ արտահայտություններն ուղղված են եղել լատինաամերիկացի, մուսուլման և սևամորթ ուսանողներին»,-նշում է աղբյուրը:

Պարբերականը նկարագում է պատահարներից մեկը, երբ 2019 թվականին Նյու Ջերսի նահանգում 13-ամյա տղան ծագումով մեքսիկացի 12-ամյա դասընկերոջն ասել էր, որ «բոլոր մեքսիկացիները պետք է վերադառնան պատից այն կողմ»: Հաջորդ օրը համադասարանցու մայրը մոտեցել է նման մեկնաբանություն անող տղային, սակայն վերջինս ծեծել է նրան մինչև գիտակցությունը կորցնելը:

The Washington Post պարբերականը միակը չէ, որը զբաղվել է դպրոցների վրա Թրամփի հռետորաբանության ազդեցության ուսումնասիրությամբ: Ավելի վաղ Buzzfeed News հրատարակությունը ուսումնասիրել է` նախագահի խոսքերի ազդեցությունը դասընկերներին ծաղրի ենթարկելու դեպքերի վրա և 26 նահանգներում բացահայտել է 50 պատահար, որոնցում ուսանողները նախագահի հայտնի սադրիչ և ծայրահեղական արտահայտություններն են կրկնել: