Թուրքիայում Ռուսաստանի դեսպանը պատմել է, որ նա շարունակում է սպառնալիքներ ստանալ իր հասցեին
Թուրքիայում Ռուսաստանի դեսպան Ալեքսեյ Երխովը պատմել է «Զվեզդա»-ին չդադարող սպառնալիքի եւ վիրավորանքի մասին, որոնք նա ստանում է անձամբ իր եւ Ռուսաստանի Դաշնության հասցեին, հաղորդում է «Զվեզդա»-ն:
«Ինչ վերաբերում է սպառնալիքին, մենք բավականին խոսել ենք այդ մասին, եւ անգամ հրապարակել դրանցից ամենաշատ ատելություն պարունակողները: Վերջիններից են երեկ երեկոյան եւ այսօր առավոտյան այնպիսի բովանդակությամբ սպառնալիքները, ինչպես. «Մենք կկառուցենք երկնաքերեր ձեր զինվորականների գանգերից» ու «Դուք կվճարեք ձեր պատճառով թափված արյան յուրաքանչյուր կաթիլի գինը» եւ այդպես շարունակ: Սակայն մեր կարծիքով՝վերջերս ռուսական արտասահմանյան կազմակերպությունների եւ առհասարակ Ռուսաստանի անվտանգության թեմայի շուրջ տեղեկատվական տարածությունը զգալիորեն մաքրվել է: Ես կարծում եմ, որ դա թեմայի նկատմամբ ցուցաբերված հասարակական ուշադրության արդյունք է: Մենք երախտապարտ ենք այդ հարցով զբաղվող մարդկանց, դա կարեւոր է»,-ասել է Երխովը:
Միեւնույն ժամանակ դեսպանն ընդգծել է, որ անհնար է ուշադրություն չդարձնել այդքան լուրջ հաղորդագրություններին, քանի որ տվյալ դեպքում խոսքը վերաբերում է պետությանն ընդհանուր առմամբ:
«Ինչ-որ մեկը կասի, որ այդ մարդիկ կհանգստանան եւ կշարունակեն, ինչ-որ մեկը կասի, որ դա ժողովրդավարություն է: Դրա հետ չի կարելի համաձայնվել: Միեւնույն ժամանակ այդպիսի գործողություններն անթույլատրելի են, քանի որ խոսքը վերաբերում է ոչ թե դեսպանատանը կամ դեսպանին, այլ Ռուսաստանին եւ նրա բոլոր ներկայացուցիչներին»,-հայտարարել է Երխովը:
«Ինչո՞ւ են սպառնալիքներն անթույլատրելի: Որովհետեւ Ռուսաստանին ուղղված սպառնալիքները հասարակական տրամադրությունների ռադիկալացման գործոն են. դրանք կարդում եւ ընկալում են: Նրանք, ովքեր գրում են դրանք, կարող են հստակ հասկանալ, որ կարող են պատճառ դառնալ շղթայական ռեակցիայի ու ատելության համար, որը կարող է գործնականում եւս դրսեւորվել»,-հայտարարել է Երխովը:
Դիվանագետն ընդգծել է տեղի ունեցողի կարեւորությունը, քանի որ անհնար է պաշտպանել արտասահմանյան կազմակերպությունների բոլոր աշխատակիցներին եւ մեկուսացնել Ռուսաստանի քաղաքացիներին, որոնք մշտական բնակություն են հաստատել Թուրքիայում:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Մենք ուզում ենք, որ դուք օր առաջ տնավորվեք ՀՀ-ում
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի