Ցուկենբերգը խոսել է ֆեյսբուքում առկա ատելության մթնոլորտից եւ ապատեղեկատվությունից (Տեսանյութ)

Սոցիալական ցանցերում ապատեղեկատվությունը դառնում է ավելի անտանելի: Այս մասին Մյունխենի անվտանգության համաժողովում հայտարարել է Facebook- ի հիմնադիր եւ գործադիր տնօրեն Մարկ Ցուկերբերգը: Նա ասել է, որ իրենք հսկայական ներդրումներ են անում հրապարակումները ստուգելու եւ օգտատերերի անվտանգությունը ստուգելու համար:  

Համաժողովի նախագահ Վոլֆգանգ Իշինգերի այն հարցին, թե որքանո՞վ պետք է Մյունխենի համաժողովի մասնակիցներն անհանգստանան ընտրություններին ֆեյսբուքի միջամտությամբ, Մարկ Ցուկերբերգը պատասխանել է. «Բոլորն էլ տեսան, որ 2016-ին, երբ մենք լուսաբանեցինք Brexit- ը եւ ԱՄՆ-ի նախագահական ընտրությունները, մենք ինքներս էլ, անկեղծ ասած, չհասկացանք, թե ինչ գործողություններ են սոցցանցերում կատարում ռուսաստանցիները եւ այլ երկրների ներկայացուցիչներ: Այդ դեպքերից հետո մեր մարտավարությունը փոխվել է»:

Facebook Inc.- ի ղեկավարը հավելեց, որ պետությունները պետք է իրենց հերթին քայլեր ձեռնարկեն համացանցային կարգավորումներն անել այնպես, որ պահպանեն ազատություններն ու անվտանգությունը: Վերահսկողությունը, նրա կարծիքով, անհրաժեշտ է «առնվազն չորս ոլորտում. Ընտրական գործընթաց, քաղաքական քննարկումներ, տվյալների պաշտպանություն եւ փոխանցում»:

Top-News.am