Պենտագոնի ղեկավարը Չինաստանն անվանել է աշխարհակարգի աճող սպառնալիք
Պենտագոնի ղեկավար Մարկ Էսփերը շաբաթ Մյունխենյան անվտանգության հարցերով համաժողովում ելույթ ունենալիս Չինաստանն անվանել է աշխարհակարգի աճող սպառնալիք, հայտնում է Associated Press-ը:
Էսփերը, մասնավորապես, Չինաստանին մեղադրել է «արեւմտյան նոու-հաուն գողանալու, ավելի փոքր հարեւաններին վախեցնելու եւ ցանկացած մեթոդներով ու ցանկացած գնով հնարավորություններ որոնելու մեջ»:
«Չինաստանի Կոմունիստական կուսակցությունն ավելի ու ավելի արագ է ընթանում սխալ ուղղությամբ՝ ավելի շատ են ներքին բռնաճնշումները, շատ են գիշատչական տնտեսական պրակտիկաները, շատ է ծանրքաշայնությունը եւ, ինչն ինձ ամենից շատ է մտահոգում, շատ է ագրեսիվ ռազմական դիրքորոշումը»,- հայտարարել է Էսփերը:
Ընդ որում՝ նա շեշտել է, որ ԱՄՆ-ն չի ցանկանում Չինաստանի հետ հակամարտության մեջ մտնել, եւ նշել է, որ Միացյալ Նահանգների կառավարությունը Չինաստանին ապահովել է բժշկական մատակարարումներով, որ օգնի նոր կորոնավիրուսի բռնկման դեմ պայքարում:
Պենտագոնի ղեկավարը, սակայն, հայտարարել է, որ Պեկինը իր երակարաժամկետ մտադրություններում հստակություն է մտցրել, եւ Եվրոպային ու մնացյալ աշխարհին կոչ է արել «արթնանալ» Չինաստանի ներկայացրած սպառնալիքներին դեմ հանդիման:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց