Միշուստինը թույլատրել է կանեփ եւ ափիոնի կակաչ աճեցնել
Ռուսաստանի վարչապետ Միխայիլ Միշուստինը հրամանագիր է ստորագրել թմրանյութեր պարունակող բույսերի` կանեփի եւ քնաբեր կակաչի աճեցման արգելքը վերացնելու մասին: Համապատասխան փաստաթուղթը հրապարակվել է իրավական տեղեկատվության պաշտոնական կայքում:
Բույսերը թույլատրվում է օգտագործել բժշկության, արդյունաբերության եւ անասնաբուժության ոլորտներում օգտագործվող միջոցների արտադրության համար:
Փաստաթղթում նշվում են նաեւ թմրամիջոցների չափաբաժնի պարունակության վերաբերյալ պահանջները: Բացի այդ, արդյունաբերական նպատակներով արգելվում է օգտագործել կանեփի սերմերը ցանքի համար, որոնք աճեցվում են չորրորդ եւ հաջորդ անգամները, եւ կակաչի սերմերը` երկրորդ և հաջորդող վերարտադրություններում: Թմրամիջոց պարունակող բույսերը կարող են աճեցնել միայն իրավաբանական անձինք, պարզաբանում է «Ինտերֆաքս»-ը:
Հունիսի 19-ին ՌԴ Պետդուման օրինագիծ էր ընդունել Ռուսաստանում բժշկական նպատակներով կանեփի եւ ափիոնի կակաչի աճեցման մասին: Այդպիսի իրավունք ունեն հատուկ արտոնագիր ունեցող պետական ձեռնարկությունները:
Մինչեւ օրենքի ընդունումը թույլատրվում էր թմրամիջոցներ պարունակող բույսեր աճեցնել գիտական, կրթական նպատակներով եւ փորձագիտական գործունեության շրջանակներում:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին