Գերմանիայի նախագահը սխալմամբ շնորհավորական ուղերձ է հղել Իրանի ղեկավարությանը
Գերմանիայի նախագահ Ֆրանկ-Վալտեր Շտայնմայերը հաստատել է, որ Իրանում Գերմանիայի դեսպանատունն իր անունից սխալմամբ հեռագիր է ուղարկել Իրանի Իսլամական Հանրապետության ղեկավարությանը ՝ Իսլամական հեղափոխության տարեդարձի կապակցությամբ, հայտնում է «ՌԻԱ Նովոստի» գործակալությունը` հղում տալով գերմանական լրատվամիջոցներին:
2019-ին Շտայնմայերը «ջերմ շնորհավորանքներ» էր փոխանցել Իրանի իշխանություններին հեղափոխության 40-ամյակի առթիվ և հավաստիացրել էր Իրանի նախագահ Հասան Ռոհանիին, որ Գերմանիան բոլոր ջանքերը կներդնի միջուկային գործարքի պահպանման համար: Գերմանիայում հրեաների կենտրոնական խորհուրդը, նախագահ Յոզեֆ Շուստերի գլխավորությամբ, քննադատել էր Շտայնմայերին այդ շնորհավորանքի համար:
«Այս տարի նախագահի գրասենյակը նախապես Իրանի իշխանություններին ուղղված տեքստ էր պատրաստել, որը պետք է ուղարկվեր Թեհրանում Գերմանիայի դեսպանատուն` այն առանց Բեռլինի լրացուցիչ հաստատման հասցեատիրոջը չուղարկելու առանձին ցուցումով: Իրանի հետ լարված հարաբերությունների ֆոնին Շտայնմայերը որոշել է չուղարկել հեռագիրը, սակայն Թեհրանում գերմանացի դիվանագետները շտապել են և նախօրոք են այն ուղարկել»,- գրում է Welt թերթը՝ հղում տալով նախագահի գրասենյակի տարածած հայտարարությանը:
Ավելի ուշ Իրանում Գերմանիայի դեսպանը տեղեկացրել է իրանական իշխանություններին, որ հեռագիրը սխալմամբ է ուղարկվել, և նշել է, որ այս տարի Գերմանիայի նախագահը զերծ կմնա Իրանի Իսլամական Հանրապետության ղեկավարին ուղղված շնորհավորանքներից:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Մենք ուզում ենք, որ դուք օր առաջ տնավորվեք ՀՀ-ում
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի