Մեսսին կարող է լքել «Բարսելոնա»-ն. Կակա

 Բրազիլիայի հավաքականի և «Միլանի» նախկին կիսապաշտպան Կական խոսել է Լիոնել Մեսսիի հնարավոր տեղափոխության մասին, տեղեկացնում է Globo-ն:

«Մեսսին կարող է լքել «Բարսելոնան»: Ես չեմ զարմանա, եթե նա մի օր հայտարարի՝ ես հեռանում եմ: Լեոն այնքան բան է արել այդ ակումբի համար, որ կարող է կայացնել ցանկացած որոշում:

Հետաքրքիր կլիներ նրան տեսնել Իտալիայի Ա Սերիայում: Կարծում եմ՝ «Միլանը» հրաշալի տարբերակ է արգենտինացու համար:

Երբ Ռոնալդուն հեռացավ Մադրիդից շատ երկրպագուներ տխրեցին, սակայն, դա կարևոր քայլ էր նրա համար: Ա Սերիան կշահի, եթե համաշխարհային ֆուտբոլի երկու աստղերը կրկին խաղան նույն լիգայում»,- ասել է Կական:

Հիշեցնենք, որ կատալոնական ակումբի մարզական տնօրեն Էրիկ Աբիդալի և Մեսսի միջև բանավեճ էր սկսվել, երբ ֆրանսիացին հայտարարել էր, որ «Բարսելոնայի» մի շարք խաղացողներ դժգոհ են եղել Էռնեստո Վալվերդեի կատարած աշխատանքից։

Մեսսին Instagram-ի իր էջում արձագանքել էր Աբիդալին՝ նշելով, որ բոլորը պետք է պատասխանատվություն կրեն իրենց աշխատանքի համար։ Արգենտինացի հարձակվողը կոչ էր արել անուններ հնչեցնել։

Աղբյուր  ArmSport.am