Սովորական լապշայից պատրաստված «տորթերը» իսկական հիթ են դարձել (լուսանկարներ)

Ինդոնեզիայում տարածում է գտել նոր թրենդ. սովորական լապշայից պատրաստված եռահարկ և քառահարկ «տորթեր», որոնց պատրաստմամբ զբաղվում է տեղի Pioneer Indomie Cake ընկերությունը:

Ինչպես նշում է Daily Mail-ը, ընկերությունն ինքնատիպ «տորթերի» լուսանկարները հրապարակել է իր ինստագրամյան էջում, ինչից հետո ուշագրավ ուտեստը մեծ հետաքրքրություն է առաջացրել համացանցում:

Լապշայից պատրաստված «տորթերի» լուսանկարներն արագորեն տարածվել են վիրտուալ տիրույթում:

Նշվում է, որ «տորթերի» գլխավոր բաղադրիչ լապշան համեմված է սոխով, սխտորով, սոյայի սոուսով: