«Ես այսօր փակ եմ». Ֆրանսիայում գործադուլի պատճառով փակվել է Էյֆելյան աշտարակը
Ֆրանսիայի խորհրդանիշը համարվող Էյֆելյան աշտարակը փակվել է կենսաթոշակային բարեփոխումների դեմ Solidaires արհմիությունների խմբի գործադուլի պատճառով, հայտնի է դառնում Twitter սոցիալական կայքում աշտարակի էջում տեղադրված հայտարարությունից:
«Ազգային գործադուլի պատճառով այսօր փակ եմ»,- ասվում է հայտարարության մեջ:
Նաև նշվում է, որ աշտարակի շրջակա տարածքը բաց կլինի այցելուների համար. նրանք կարող են անվճար շրջել մոտակայքում:
Դեկտեմբերի 5-ից` կառավարության հայտարարած կենսաթոշակային բարեփոխումների դեմ գործադուլի մեկնարկից ի վեր Ֆրանսիայում բազմաթիվ բողոքի ցույցեր են տեղի ունեցել, որոնց մասնակցել են տարբեր մասնագիտությունների տեր անձինք` տրանսպորտի ոլորտի աշխատակիցներ, իրավաբաններ, ուսուցիչներ, այլք: Ավելի քան մեկ ամիս շարունակվող ակցիաների հետևանքով զգալիորեն խաթարվել է հասարակական տրանսպորտի աշխատանքը:
Կենսաթոշակային օրենսդրության բարեփոխումների նախագիծը հունվարի 24-ին ներկայացվել է Ֆրանսիայի կառավարության նիստում: Փետրվարին փաստաթուղթը կներկայացվի խորհրդարան:
Թուրքիայի մուտքը ԲՐԻԿՍ արգելափակել է Հնդկաստանը. BILD
Ովքեր են այն 4 պատգամավորները, որոնք կողմ չեն քվեարկել կանոնակարգին