Իրանի հոգևոր առաջնորդը կարծում է, որ «դարի գործարքը» Թրամփից ավելի շուտ կմեռնի
Իրանի հոգևոր առաջնորդ և ղեկավար Ալի Խամենեին կարծում է, որ Վաշինգտոնի առաջարկած խաղաղության ծրագիրը Իսրայելի եւ Պաղեստինի միջև (այսպես կոչված, դարի գործարք) ԱՄՆ նախագահ Դոնալդ Թրամփի ավելի շուտ կմեռնի: Համապատասխան գրառումը չորեքշաբթի օրը տեղադրվել է նրա թվիթերյան պաշտոնական էջում, փոխանցում է ТАСС-ը:
«Ամերիկյան «դարի գործարքը» Թրամփից ավելի շուտ կմեռնի»,- գրել է նա:
Չորեքշաբթի օրՆ ունեցած իր ելույթում հոգևոր առաջնորդն ամերիկյան ծրագիրը «հիմար, արատավոր և ձախողմանը դատապարտված» է անվանել: «Այս մտադրությանը դիմագրավելու համար իսլամական ճակատին հարկավոր է աջակցել պաղեստինցիների խիզախ պայքարին»,- հավելել է Խամենեին:
Հունվարի 28-ին Թրամփը Իսրայելի վարչապետ Բենյամին Նեթանյահուի հետ միասին Վաշինգտոնում հայտարարել էր, այսպես կոչված, դարի գործարքի` պաղեստինա-իսրայելական խաղաղ կարգավորման պլանի, հիմնական դրույթների մասին, որը հիմնված է երկու պետությունների փոխադարձ ճանաչման վրա: Վաշինգտոնն առաջարկում է արագընթաց տրանսպորտային օղակներով անխզելիորեն կապել Գազայի հատվածից և Հորդանան գետի Արևմտյան ափից բաղկացած Պաղեստինի տարածքը, իսկ որպես արաբական պետության մայրաքաղաք ճանաչել Արևելյան Երուսաղեմի միայն մի մասը (ըստ Նեթանյահուի` խոսքը Երուսաղեմի Աբու-Դիս արվարձանի մասին է): Միևնույն ժամանակ, Սպիտակ տան ղեկավարը ամբողջ Երուսաղեմը անվանել էր Իսրայելի «անբաժանելի մայրաքաղաք» եւ հայտարարել էր Միացյալ Նահանգների` հրեական բնակավայրերը որպես Իսրայելական տարածք ճանաչելու մտադրության մասին:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Պետական արգելոցի ֆոտոթակարդները կրկին նկարահանել են կովկասյան ընձառյուծին